សារព័ត៌មាន នគរវត្ត តែងតែនាំមុខគេជានិច្ច
ប្រាក់ចំនួន៤០០០០ផោនត្រូវបានក្លិបហង្សក្រហម Liverpool បរិច្ចាគដល់អង្គការមួយឈ្មោះ Fans Supporting Foodbanks (FSF) ដើម្បីបន្តសកម្មភាពសប្បុរសធម៌របស់ខ្លួនអំឡុងពេល Premier League ផ្អាកដើម្បីយកទៅជួយក្នុងការងារប្រយុទ្ធប្រឆាំងនឹងវីរុសកូរ៉ូណា។
ក្រៅពីនោះក្លិបហង្សក្រហមនឹងបើកឲ្យមានការរៃអង្គាសនៅមុខហាងលក់សម្ភារកីឡារបស់ខ្លួននៅកីឡដ្ឋាន Anfield និងការរៃអង្គាសតាមរយៈអនឡាញផងដែរ ដើម្បីចូលរួមដោះស្រាយបញ្ហារបស់អង្គការមនុស្សធម៌FSF។
អង្គការ Fans Supporting Foodbanks (FSF) ដែលមានមូលដ្ឋាននៅតំបន់ Merseyside មួយនេះត្រូវបានបែងចែក២៥ភាគរយនៃចំណូលរបស់ខ្លួដែលទទួលបានការបរិច្ចាគរបស់អ្នកគាំទ្រអំឡុងការប្រកួតរបស់ក្រុម Liverpool និង Everton។ ដូច្នេះនៅពេលក្របខ័ណ្ឌអង់គ្លេសផ្អាកដូច្នេះអាចធ្វើឲ្យ FSF បាត់ចំណូលដើម្បីជួយជនអនាថា និងជួយសកម្មភាពក្នុងសង្គមនានា។
បច្ចុប្បន្នក្រុមហង្សក្រហមរបស់លោក Jurgen Klopp មាន២៥ពិន្ទុឈរនៅកំពូលតារាង ត្រូវការឈ្នះតែ២ប្រកួតទៀតប៉ុណ្ណោះដើម្បីក្លាយជាជើងឯកលីកកំពូលអង់គ្លេស Premier League ក្រោយខកខានលើកពាននេះរយៈពេល៣០ឆ្នាំមកហើយ។ ប៉ុន្តែលីកកំពូលអង់គ្លេសមួយនេះ បានផ្អាកការប្រកួតតាំងពីដើមខែមីនា ព្រោះតែការរីករាលដាលនេះវីរុសកូរ៉ូណាធ្វើឲ្យសហព័ន្ធបាល់ទាត់នានានៅអឺរ៉ុបផ្អាកការប្រកួតទាំងស្រុង ៕ដោយ៖ ភិរក្ស
LIVERPOOL, ENGLAND – FEBRUARY 24: (THE SUN OUT, THE SUN ON SUNDAY OUT) Jurgen Klopp manager of Liverpool during the Premier League match between Liverpool FC and West Ham United at Anfield on February 24, 2020 in Liverpool, United Kingdom. (Photo by John Powell/Liverpool FC via Getty Images)
x-default
