សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ លោក សេង សុផា គ្រូជោគជ័យ និងជាគ្រូបង្រៀនវគ្គជោគជ័យផងនោះ ឃើញបញ្ចេញភាពហ៊ឺហា អំនួតការប្រើប្រាស់របស់ទំនើប ឡានថ្លៃ ដូចជា ស្លាកលេខ កម្ពុជា KGA.7777 , ផ្ទុយទៅវិញ សួរថាបុគ្គលបែបនេះ រកលុយបានដោយសមត្ថភាព កម្លាំងញើសឈាម គំនិត ប្រាជ្ញា ស្មារតីដោយអំពើសុចរិតឬមួយយ៉ាងណា ? ទីបំផុត! គ្រូជោគជ័យ ឃើញថាជោគខោបណ្ដើរៗហើយ ខណៈ រងបណ្ដឹងព្រហ្មទណ្ឌ ពីជនរងគ្រោះ ខ្លះទៀត ជាគ្រូជោគជ័យផង ជាឧកញ៉ាផង បោកលុយគេសុទ្ធ។
ចំពោះករណី លោក សេង សុផា គ្រូជោគជ័យ និងជាគ្រូបង្រៀនវគ្គជោគជ័យផងនោះ ឃើញចេញសែកស្អុយ ជាច្រើនសន្លឹក ។ នេះបើតាមរយៈការបង្ហោះលើ facebook របស់ជនរងគ្រោះ។
ម្ចាស់គណនី facebook មួយមានឈ្មោះថា , ( Bong Fee ) បានបង្ហោះថា, (សូមអញ្ជើញលោក សេង សុផា ចេញមុខមកដោះស្រាយ សងលុយខ្ញុំជាបន្ទាន់…គេចវេសច្រើនខែហើយល្មមចូលខ្លួន មក…ប្អូនជាគ្រូបង្រៀនវគ្គជោគជ័យផង កុំធ្វើចឹង…បើនៅតែ គេចវេសទៀតខ្ញុំនឹងចាត់ការតាមនិតិវិធីច្បាប់ហើយ…។ #ជោគជ័យតាវាស្តីដើរបោកគេចឹង…បងប្អូនខាង #unicity ជួយ share ផង)។
សូមជម្រាបជូនថា, មេត្តាបងប្អូនជនរួមជាតិ ,កុំងាយលង់ខ្លួន ចាញ់បោក ក្លាយជាជនរងគ្រោះ បាត់បង់ទ្រព្យសម្បត្តិ ដោយសារតែឈ្មោះថាគ្រូជោគជ័យនេះឲ្យសោះ ។ ជាក់ស្ដែងបងប្អូនអាចជ្រាបហើយថា ទាំងបណ្ដាញទំនាក់ទំនងសង្គមហ្វេសប៊ុក ទាំងគេហទំព័រ Online វិទ្យុ កាសែត បានផ្សព្វផ្សាយពីឧកញ៉ា ជាគ្រូជោគជ័យ រកស៊ីបោកប្រាស់ ចេញសែកស្អុយ ត្រូវបានប្រជាពលរដ្ឋរងគ្រោះ ប្ដឹងទៅតុលាការជាបន្តបន្ទាប់។ ដូច្នេះសូមបងប្អូន កុំលោភលន់ កុំជឿនូវវិធីសាស្ត្របោកប្រាស់របស់ពួកគេ ព្រោះសម័យបច្ចុប្បន្ននេះ យើងអាចសិក្សាពីសង្គម ចរិតលក្ខណៈបុគ្គលរបស់មនុស្ស ហើយប្រព័ន្ធផ្សព្វផ្សាយក៏មានភាពទូលំទូលាយ ទទួលបាននូវព័ត៌មានពិត ពីការបញ្ជាក់អំពីគ្រូជោគជ័យ ដែលបានធ្វើសកម្មភាពបោកប្រាស់ដល់បងប្អូនប្រជាពលរដ្ឋនោះ មិនត្រូវឱ្យពួកទាំងនេះ មានឱកាសបោកប្រាស់ អស់ទ្រព្យសម្បត្តិបាននោះទេ, លើកលែងតែយើងមានការលោភលន់តែប៉ុណ្ណោះ ទើបងាយរងគ្រោះ៕
ដោយ ៖ សហការី
