សារព័ត៌មាន នគរវត្ត តែងតែនាំមុខគេជានិច្ច
ខ្សែបម្រើ Jefferson Lerma គ្រោងនឹងចូលរួមជាមួយក្លិប Crystal Palace លើការផ្ទេរដោយមិនមានតម្លៃខ្លួននៅពេលដែលកិច្ចព្រមព្រៀងរបស់គាត់នៅ Bournemouth ផុតកំណត់នៅរដូវក្តៅ។
ខ្សែបម្រើសញ្ជាតិកូឡុំប៊ីវ័យ២៨ឆ្នាំរូបនេះបានខកខានការប្រកួតលីកតែមួយប្រកួតប៉ុណ្ណោះក្នុងរដូវកាលនេះ ដោយបានជួយក្រុមរបស់លោក Gary O’Neil យ៉ាងស្រួលក្នុងការគេចចេញពីការកាត់ចោល។ គាត់បានចុះហត្ថលេខានៅឆ្នាំ២០១៨ ពី Levante ក្នុងតម្លៃ២៥លានផោន។
ក្រុម Crystal Palace នឹងបាត់បង់ខ្សែបម្រើសំខាន់២រូបគឺប្រធានក្រុម Luka Milivojevic និង James McArthur នៅពេលដែលកិច្ចព្រមព្រៀងរបស់ពួកគេក៏ផុតកំណត់នៅចុងបញ្ចប់នៃរដូវកាលនេះ។
Lerma មានបទពិសោធន៍ក្នុងក្របខ័ណ្ឌ Premier League និងអន្តរជាតិគាត់បានស៊ុតបាល់បញ្ចូលទី១២គ្រាប់ក្នុងការបង្ហាញខ្លួន៩៩ប្រកួតសម្រាប់ Bournemouth លេង១៨៣ប្រកួតសម្រាប់ក្រុមនេះបូកមួយគ្រាប់ក្នុង៣៣ប្រកួតសម្រាប់កូឡុំប៊ី។
ព័ត៌មានមិនទាន់ច្បាស់នៅឡើយទេថា អ្នកណានឹងមកដឹកនាំនៅ SelhurstPark នៅរដូវកាលក្រោយ ដោយអ្នកចាត់ការលោក Roy Hodgson បាននិយាយកាលពីថ្ងៃសុក្រថា គាត់រំពឹងថានឹងចុះចេញពីតំណែងនៅពេលដែលកិច្ចព្រមព្រៀងរយៈពេលខ្លីរបស់គាត់បានបញ្ចប់នៅចុងបញ្ចប់នៃយុទ្ធនាការនេះ។
Hodgson ដែលមានអាយុ៧៥ឆ្នាំត្រូវបានតែងតាំងនៅក្នុងខែមីនាបន្ទាប់ពីការបណ្តេញលោក Patrick Vieira ជាមួយនឹងក្រុម Crystal Palace ត្រឹមតែ៣ពិន្ទុពីលើតំបន់កាត់ចោល។ ឥឡូវនេះពួកគេមាន១៣ ពិន្ទុដាច់ក្នុងចំណាត់ថ្នាក់លេខ១១ ក្នុងរដូវកាលនេះ ដោយការប្រកួតបញ្ចប់រដូវកាលនេះគឺការប៉ះគ្នាកាលពីថ្ងៃអាទិត្យជាមួយក្រុម Nottingham Forest ៕
ដោយ៖ ភារៈ(រូបភាព ៖ BBC Sport)
