សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ មានករណីគ្រោះថ្នាក់ចរាចរណ៍មួយបានកេីតឡេីង រវាងរថយន្តមិនស្គាល់ម៉ាកមួយគ្រឿងបានបុកជាមួយម៉ូតូហុងដាឌ្រីមមួយគ្រឿងទៀតបណ្ដាលឱ្យបុរសម្នាក់ស្លាប់ភ្លាមៗនៅហ្នឹងកន្លែងកើតហេតុ កាលពីវេលាម៉ោង១០ និង១៥នាទីយប់ថ្ងៃទី១៩ ខែសីហា ឆ្នាំ២០២៣ ស្ថិតនៅតាមបណ្ដោយផ្លូវ៦០ម៉ត្រែ ក្នុងភូមិព្រែកតាឡុង១ សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ។
សមត្ថកិច្ចបានឱ្យដឹងថា សពជនរងគ្រោះអ្នកបេីកម៉ូតូមានឈ្មោះ ព្រុំ សិទ្ធិ ភេទប្រុស អាយុ៥២ឆ្នាំ ស្នាក់នៅ ភូមិព្រៃស្នំ សង្កាត់ព្រែកកំពឹស ខណ្ឌដង្កោ ភ្នំពេញ ។
តាមប្រភពព័ត៌មានពីកន្លែងកើតហេតុបានឱ្យដឹងថា នៅមុនពេលកើតហេតុគេឃើញបុរសម្នាក់បានជិះម៉ូតូមួយគ្រឿងម៉ាកហុងដាឌ្រីម សេ១២៥ ពណ៌ខ្មៅ ពាក់ផ្លាកលេខ ភ្នំពេញ 1L-3316 ធ្វើដំណើរតាមបណ្ដោយផ្លូវ៦០ម៉ែត្រ ទិសដៅពីជើងទៅត្បូងក្នុងល្បឿនមធ្យម លុះមកដល់ចំណុចកើតហេតុខាងលើស្រាប់តែមានរថយន្តបង្កមួយគ្រឿងមិនស្គាល់ម៉ាក ធ្វើដំណើរបញ្ច្រាស់ទិសគ្នាយ៉ាងលឿន និងបុកម៉ូតូពីមុខយ៉ាងពេញទំហឹង បណ្ដាលឱ្យជនរងគ្រោះផ្លោងទៅមុខជាច្រើនម៉ែត្រស្លាប់ភ្លាមៗ ចំណែករថយន្តបង្កបានបន្តល្បឿនបើកទៅមុខរត់គេចខ្លួនបាត់ស្រមោល។
ក្រោយកេីតហេតុ សមត្ថកិច្ចមូលដ្ឋានសហការជាមួយមន្ត្រីជំនាញចរាចរណ៍ចុះមកពិនិត្យនិងធ្វើការវាស់វែងយកម៉ូតូជនរងគ្រោះទៅរក្សាទុកនៅអធិការដ្ឋាននគរបាលខណ្ឌមានជ័យបណ្ដោះអាសន្ន ។
ចំណែកសពជនរងគ្រោះ ត្រូវបានសមត្ថកិច្ចធ្វើកំណត់ហេតុប្រគល់ទៅក្រុមគ្រួសារយកទៅធ្វើបុណ្យតាមប្រពៃណី៕
ដោយ ៖ ភារ៉ា ដង្កោ
