សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ កម្លាំងផ្នែកជំនាញ និងកម្លាំងប៉ុស្តិ៍នគរបាលរដ្ឋបាលផ្សារដេប៉ូទី២ នៃអធិការដ្ឋាននគរបាលខណ្ឌទួលគោក នៅវេលាម៉ោងប្រហែល០១:៤០នាទីរំលងអធ្រាត្រឈានថ្ងៃទី២៥ ខែសីហា ឆ្នាំ២០២៣ បានស្រាវជ្រាវឃាត់ខ្លួនជនសង្ស័យ០១នាក់ពីបទលួច(លួចទូរស័ព្ទដៃ០១គ្រឿង) ស្រាវជ្រាវឃាត់ខ្លួននៅចំណុចលើដងផ្លូវលេខ១១២ ក្រុមទី១៤ ភូមិ៤ សង្កាត់ផ្សារដេប៉ូទី៣ ខណ្ឌទួលគោក ដែលបានប្រព្រឹត្តនៅចំណុចបន្ទប់ជួលលេខ៤៧ ផ្លូវលេខ១៤៦ កែងផ្លូវលេខ២២៥ ក្រុមទី៣៥ ភូមិ១១ សង្កាត់ផ្សារដេប៉ូទី២ ខណ្ឌទួលគោក រាជធានីភ្នំពេញ ។
ជនសង្ស័យឈ្មោះ សេង ធា ហៅ ធា ភេទប្រុស អាយុ៤៣ឆ្នាំ ជនជាតិខ្មែរ មុខរបរ មិនពិតប្រាកដ ស្នាក់នៅមិនពិតប្រាកដ (ដេកតាមដីឡូត៍ម្ចាស់គេទុកចោល) មានទីកន្លែងកំណើត ភូមិក្រសាំង ឃុំឈូក ស្រុកឈូក ខេត្តកំពត ។
-វត្ថុតាងចាប់យកមាន៖
-រទេះសម្រាប់អូសអេតចាយចំនួន០១ ។
ចំណែកជនរងគ្រោះឈ្មោះ តូ ចាន់ទុំ ភេទប្រុស អាយុ២៧ឆ្នាំ ជនជាតិខ្មែរ មុខរបរ បុគ្គលិករត់តុនៅភោជនីយដ្ឋានសម្រស់លីលី ស្នាក់នៅបន្ទប់ជួលលេខ៤៧ ផ្លូវលេខ១៤៦ កែងផ្លូវលេខ២២៥ ក្រុមទី៣៥ ភូមិ១១ សង្កាត់ផ្សារដេប៉ូទី២ ខណ្ឌទួលគោក រាជធានីភ្នំពេញ ។
-សំភារ:បាត់បង់មាន៖
-ទូរស័ព្ទដៃ០១គ្រឿងម៉ាក Iphone 11Promax ពណ៌ស ។
បច្ចុប្បន្ន ជនសង្ស័យខាងលើកំពុងឃាត់ខ្លួនជាបណ្ដោះអាសន្ននៅ អធិការដ្ឋាននគរបាលខណ្ឌទួលគោក ដើម្បីធ្វើការសាកសួរនិងចាត់ការបន្តតាមនីតិវិធី ៕
ដោយ៖ អរុណរះ
