សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ចាម៖ ប្រភពបានរាយការណ៍ថារថយន្តដឹកប្រេង បេីកបរពីទិសដៅពីកេីត ទៅលិច ស្រាប់តែមកចំណុចត្រង់ផ្លូវបត់ចូល ភ្នំស្រី ភ្នំប្រុស នៅម៉ោង២និង៣០នាទីរសៀល ថ្ងៃទី៣១ ខែសីហា ឆ្នាំ២០២៣ ស្ថិតក្នុងភូមិអណ្តូងជ្រោះ ឃុំអំពិល ស្រុកកំពង់សៀម ខេត្តកំពង់ចាម រថយន្តដឹកប្រេងមួយនេះ បានបេីកគេចរថយន្តមួយដែលបម្រុងបេីកឆ្លងផ្លូវជាតិលេខ៧។
ប្រភពបន្តថាក្រោយពីបេីកគេចរថយន្តមួយនោះ មក បណ្តាលឲ្យរថយន្តដឹកប្រេងក្រឡាប់ ហើយសង្កត់ម៉ូតូកង់បីត្រូវចំហៀង ប៉ុន្តែមិនបណ្តាលឲ្យមនុស្សរងរបួសនោះទេ។
តាមការបញ្ជាក់ពីតៃកុង រថយន្តដឹកប្រេងនេះ ដឹកចំណុះ ៣២.០០០លីត្រក្នុងនោះ បែងចែកជា២ផ្នែក គឺប្រេងសាំង៨.០០០លីត្រ និងប្រេងម៉ាសូត ២៤.០០០លីត្រ។
សូមបញ្ជាក់ថា ៖ បងប្អូនប្រជាពលរដ្ឋដែល ព្យាយាមដួសប្រេង មានហានិភ័យខ្ពស់ណាស់ ព្រោះជាការឆាបឆេះ ប្រសិនបើមាន អគ្គិភ័យណាមួយកើតឡើងដោយ យថាហេតុ ៕
ដោយ ៖ សហការី
