សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យចំនួន ៣០ នាក់(ស្រី ០១នាក់) ត្រូវបានសមត្ថកិច្ចឃាត់ខ្លួន ក្នុងប្រតិបត្តិការបង្ក្រាបបទល្មើសគ្រឿងញៀនចំនួន ១២ករណី ទូទាំងប្រទេសនៅថ្ងៃទី១៦ ខែតុលាម្សិលមិញនេះ។ ដូច្នេះសូមជៀសឱ្យឆ្ងាយពីគ្រឿងញៀន ព្រោះគ្រឿងញៀនបំផ្លាញអនាគតអ្នក និងក្រុមគ្រួសារអ្នក !
ក្នុងចំណោមជនសង្ស័យចំនួន ៣០នាក់ រួមមាន៖ រក្សាទុក ដឹកជញ្ជូន ៧ករណី ឃាត់ខ្លួន ១១នាក់(ស្រី ០នាក់),បើកបរក្រោមឥទ្ធិពល ១ករណី ឃាត់ខ្លួន ២នាក់(ស្រី ០នាក់) និងប្រើប្រាស់ ៤ករណី ឃាត់ខ្លួន ១៧នាក់(ស្រី ១នាក់)។
ចំណែកវត្ថុតាងដែលចាប់យកសរុបក្នុងថ្ងៃទី១៦ ខែតុលា រួមមាន៖ មេតំហ្វេតាមីន ម៉ាទឹកកក(Ice) ស្មេីនិង ៤,៤៥ក្រាម និង៣៩កញ្ចប់តូច។
ក្នុងប្រតិបត្តិការនោះជាលទ្ធផលខាងលើ ០៨អង្គភាព បានចូលរួមបង្ក្រាប មានដូចខាងក្រោម៖
កម្លាំងនគរបាលជាតិទាំង ០៨អង្គភាព
១ / បន្ទាយមានជ័យ៖ ប្រើប្រាស់ ១ករណី ឃាត់ខ្លួន ១នាក់ ចាប់យកIce ២កញ្ចប់តូច។
២ / កំពង់ចាម៖ រក្សាទុក ១ករណី ឃាត់ខ្លួន ៣នាក់ បើកបរក្រោមឥទ្ធិពល ១ករណី ឃាត់ខ្លួន ២នាក់ ចាប់យកIce ៣,៩៥ក្រាម។
៣ / កំពង់ឆ្នាំង៖ អនុវត្តន៍ដីកា ១ករណី ចាប់ខ្លួន ១នាក់។
៤ / កណ្តាល៖ រក្សាទុក ៣ករណី ឃាត់ ៤នាក់ ចាប់យកIce ២០កញ្ចប់តូច។
៥ / រាជធានីភ្នំពេញ៖ រក្សាទុក ១ករណី ឃាត់ខ្លួន ១នាក់ ប្រើប្រាស់ ២ករណី ឃាត់ ២នាក់ ចាប់យក Ice ០,១៨ក្រាម។
៦ / សៀមរាប៖ ប្រើប្រាស់ ១ករណី ឃាត់ខ្លួន ១៤នាក់ ស្រី ១នាក់។
៧ / ព្រះសីហនុ៖ រក្សាទុក ១ករណី ឃាត់ខ្លួន ២នាក់ ចាប់យកIce ០,៣២ក្រាម។
៨ / ស្វាយរៀង៖ រក្សាទុក ១ករណី ឃាត់ខ្លួន ១នាក់ ចាប់យកIce ១៧កញ្ចប់តូច៕
ដោយ៖ សហការី
