សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះវិហារ ៖ ក្នុងនាមថ្នាក់ដឹកនាំក្រុមប្រឹក្សា គណៈអភិបាលខេត្ត មន្ត្រីរាជការ កងកម្លាំងប្រដាប់អាវុធ និងប្រជាពលរដ្ឋ ទូទាំងខេត្តព្រះវិហារ និងក្នុងនាមខ្លួនខ្ញុំផ្ទាល់សូមសម្តែងសមានទុក្ខដ៏ក្រៀមក្រំ និងមានក្តីរន្ធត់ចិត្តយ៉ាងខ្លាំង ដោយបាន ទទួលដំណឹងថាលោក វុធ តារ៉ា អភិបាលស្រុកជាំក្សាន្ត បានទទួលមរណភាពកាលពីថ្ងៃសៅរ៍ ៦កើត ខែកត្តិក ឆ្នាំថោះ បញ្ចស័ក ព.ស២៥៦៧ ត្រូវនឹងថ្ងៃទី ១៨ ខែវិច្ឆិកា ឆ្នាំ២០២៣ វេលាម៉ោង ១៧ + ០៤នាទីរសៀល ក្នុងអាយុ ៥៤ឆ្នាំ ដោយរោគាពាធ នៅរាជធានីភ្នំពេញ។
មរណភាពរបស់លោក វុធ តារ៉ា គឺជាបាត់បង់ធនធានមនុស្សដ៏គំរូមួយរូបសម្រាប់ខេត្តព្រះវិហារ ដែល លោកតែងតែបានពលិកម្មបូជាអស់ពីកម្លាំងកាយ ចិត្ត និងប្រាជ្ញាស្មារតីប្រកបដោយការទទួលខុសត្រូវបំពេញតួនាទី ភារកិច្ច ចូលរួមយ៉ាងសកម្មក្នុងបុព្វហេតុបម្រើជាតិ និងប្រជាជន និងជាការបាត់បង់នូវស្វាមី និងបិតាប្រកប ដោយព្រហ្មវិហារធម៌ និងជាទីស្រលាញ់ស្មើជីវិត។
ក្នុងឱកាសដ៏សែនលោកសង្រេងនេះ យើងខ្ញុំទាំងអស់គ្នាសូមចូលរួមរំលែកមរណទុក្ខពោពេញដោយក្តី ក្រៀមក្រំ និងអាឡោះអាល័យជាទីបំផុតជាមួយលោកស្រី ព្រមទាំងក្រុមគ្រួសារនៃសព និងសូមឧទ្ទិសបួងសួងដល់ ដួងវិញ្ញាក្ខន្ធលោក វុធ តារ៉ា បានទៅកាន់សុគតិភពកុំបីឃ្លៀងឃ្លាតឡើយ។
សូមលោកស្រី ព្រមទាំងក្រុមគ្រួសារនៃសព ទទួលនូវមនោសញ្ចេតនាចែកការរំលែកទុក្ខដ៏ក្រៀមក្រំបំផុត អំពីយើងខ្ញុំ ៕
ដោយ ៖ សហការី
