សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ យោងតាមរបាយការណ៍របស់អគ្គស្នងការដ្ឋាននគរបាលជាតិ នៅល្ងាចថ្ងៃទី០២ ខែមករា ឆ្នាំ២០២៤នេះ បានឱ្យដឹងថា លទ្ធផលបង្ក្រាបបទល្មើសគ្រឿងញៀនទូទាំងប្រទេសថ្ងៃនេះ មានចំនួន ១០ករណី និងឃាត់ខ្លួនជនពាក់ព័ន្ធចំនួន ១៩នាក់។ ដូច្នេះគ្រឿងញៀនបំផ្លាញអនាគតអ្នក និងក្រុមគ្រួសារអ្នក !
របាយការណ៍ដដែលបន្តថា ជនសង្ស័យចំនួន ១៩នាក់ ក្នុងនោះ (ស្រី ២នាក់) ត្រូវបានសមត្ថកិច្ចឃាត់ខ្លួន ក្នុងប្រតិបត្តិការបង្ក្រាបបទល្មើសគ្រឿងញៀនចំនួន ១០ករណី រួមមាន៖ ជួញដូរ ១ករណី ឃាត់ ១នាក់(ស្រី ១នាក់) ,ដឹកជញ្ជូន រក្សាទុក ៧ករណី ឃាត់ ១៦នាក់(ស្រី ១នាក់), ប្រើប្រាស់ ២ករណី ឃាត់ ២នាក់(ស្រី ០នាក់)។
ចំណែកវត្ថុតាងដែលចាប់យកសរុបក្នុងថ្ងៃទី២ ខែមករា រួមមាន៖ មេតំហ្វេតាមីន ម៉ាទឹកកក(Ice) ស្មេីនិង ២,៥៨ក្រាម និង១៣កញ្ចប់តូច។
ក្នុងប្រតិបត្តិការនោះជាលទ្ធផលខាងលើ ៤អង្គភាពបានចូលរួមបង្ក្រាប មានដូចខាងក្រោម៖
កម្លាំងនគរបាលជាតិ ៤អង្គភាព
១ / កំពង់ចាម៖ រក្សាទុក ៤ករណី ឃាត់ ១២នាក់ ចាប់យកIce ២,៥៨ក្រាម។
២ / កំពង់ឆ្នាំង៖ រក្សាទុក ១ករណី ឃាត់ ១នាក់ ចាប់យកIce ៤កញ្ចប់តូច។
៣ / កណ្តាល៖ រក្សាទុក ១ករណី ឃាត់ ១នាក់ ចាប់យកIce ១កញ្ចប់តូច។
៤ / រាជធានីភ្នំពេញ៖ ជួញដូរ ១ករណី ឃាត់ ១នាក់ ស្រី ១នាក់ រក្សាទុក ១ករណី ឃាត់ ២នាក់ ស្រី ១នាក់ ប្រើប្រាស់ ២ករណី ឃាត់ ២នាក់ ចាប់យកIce ៨កញ្ចប់តូច៕
ដោយ៖តារា
