សារព័ត៌មាន នគរវត្ត តែងតែនាំមុខគេជានិច្ច
ខេត្តកែប៖ លោក ប៊ុន យោង អភិបាលរងខេត្តកែប និងជាអ្នកនាំពាក្យរដ្ឋបាលខេត្តកែប បានថ្លែងប្រាប់សារព័ត៌មានយ៉ាងដូច្នេះថា៖ ករណីអង្គភាពប្រឆាំងអំពើពុករលួយ(ACU) បានចាប់ឃាត់ខ្លួនលោក ខេង យ័ន អភិបាលក្រុងកែប និងនាយករដ្ឋបាលក្រុង កាលពីថ្ងៃទី២ ខែមករា ឆ្នាំ២០២៤ម្សិលមិញនេះ គឺជាការភាន់ច្រឡំ។
អ្នកនាំពាក្យរូបនេះ បានថ្លែងបន្តថា បន្ទាប់ពីមានករណីចុះផ្សាយថា លោកអភិបាលក្រុង និងនាយករដ្ឋបាលក្រុងកែបម្នាក់ត្រូវ បានអង្គភាពប្រឆាំងអំពើពុករលួយចាប់ខ្លួននេះហើយ អភិបាលខេត្តកែបបានច្រានចោលក្នុងការចុះផ្សាយមិនពិតនោះទេ នេះគ្រាន់តែជាការភាន់ច្រឡំមួយតែប៉ុណ្ណោះ ខណៈមន្រ្ដីទាំង២រូបត្រូវបានវិលត្រឡប់ មកវិញហេីយ។
គួរជម្រាបជូនថា អង្គភាពប្រឆាំងអំពើពុករលួយ(ACU) កាលពីវេលាម៉ោងប្រមាណ១១និង៣០នាទីព្រឹកនាថ្ងៃទី២ ខែមករាម្សិលមិញនេះ បានជិះរថយន្តចំនួនបីគ្រឿង មានដូចជា រថយន្តហ្វ័ត ,រថយន្តឡង់គ្រីស័រ និងរថយន្តម៉ាស្ដា បានចុះទៅឃាត់ខ្លួនលោក ខេង យ័ន អភិបាលក្រុងកែប និងនាយករដ្ឋបាលសាលាក្រុងកែបម្នាក់ទៀត បន្ទាប់ពីលោកអភិបាលក្រុងកែបរូបនោះ បានបញ្ចប់កិច្ចប្រជុំមួយនៅសាលាក្រុងកែប៕
ដោយ៖ តារា
