សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ទីតាំងភោជនីយដ្ឋានយីហោ 24H.DN ត្រូវកម្លាំងសមត្ថកិច្ចចុះចុះអនុវត្តវិធានការណែនាំអប់រំមិនឱ្យឡូឡាបង្កសំឡេងរំខានដល់ប្រជាពលរដ្ឋកំពុងដេកលង់លក់នាពេលរាត្រី។
សូមជម្រាបថា ក្រោយពីប្រជាពលរដ្ឋប្តឹងរាយការណ៍មកផេកស្នងការដ្ឋាននគរបាលរាជធានីភ្នំពេញ មន្រ្តីប៉ុស្តិ៍នគរបាលរដ្ឋបាលផ្សារដេប៉ូ៣ ខណ្ឌទួលគោក រាជធានីភ្នំពេញនាយប់ថ្ងៃទី២៣ ខែកុម្ភៈ ឆ្នាំ២០២៤ បានចុះអប់រំម្ចាស់ភោជនីយដ្ឋានមួយកន្លែង ភ្ញៀវឡូឡាបង្កសំឡេងរំខានដល់ប្រជាពលរដ្ឋអ្នកជិតខាងរហូតដល់យប់ជ្រៅនិងឲ្យម្ចាស់ហាងធ្វើកិច្ចសន្យាមិនឲ្យមានបង្កសំឡេងរំខានដល់អ្នកជិតខាងទៀតនោះឡើយ។
ជាមួយគ្នានោះ មន្រ្តីជំនាញ ក៏បានអំពាវនាវឱ្យអាជីវករដែលរកស៉ីបេីកភោជនីយដ្ឋាន ឫហាងផឹកស៉ីដែលមានឧបករណ៍បំពងសំឡេងគួរតែចាក់ភ្លេងតន្ត្រីតិចៗ ដេីម្បីកុំឱ្យប៉ះពាល់ដល់ប្រជាពលរដ្ឋរស់នៅជិតខាង កំពុងលង់លក់ក្នុងដំណេករបស់ពួកគាត់ផងដែរ៕
ដោយ៖ តារា
