នាយករដ្ឋមន្ត្រីថៃអាចនឹងត្រូវគេទម្លាក់ពីតំណែង

ថ្ងៃនេះ (ថ្ងៃទី 14 ខែសីហា) តុលាការធម្មនុញ្ញថៃនឹងប្រកាសសេចក្តីសម្រេចលើជោគវាសនានយោបាយរបស់នាយករដ្ឋមន្ត្រី លោក ថាវីស៊ីន ដែលអាចនាំទៅដល់ការបណ្តេញចេញពីតំណែងបន្ទាប់ពីកាន់តំណែងតិចជាងមួយឆ្នាំ។លោក ស្រេត ថា ជាមេដឹកនាំដែលមានសាវតាក្នុងអាជីវកម្មអចលនទ្រព្យ ត្រូវបានសមាជិកព្រឹទ្ធសភាមួយក្រុមប្តឹង ដោយសារតែពួកគេថាលោកបំពានរដ្ឋធម្មនុញ្ញថៃ ដោយតែងតាំងមេធាវីដែលជាប់ពន្ធនាគារមកគណៈរដ្ឋមន្ត្រី។
ប្រសិនបើលោក ស្រេត ថា ត្រូវបានទម្លាក់ចេញពីតំណែង រដ្ឋសភាថៃដែលមានសមាជិក 500 នាក់នឹងត្រូវជួបប្រជុំដើម្បីជ្រើសរើសនាយករដ្ឋមន្ត្រីថ្មី ដែលនាំឱ្យមានការចលាចលជាច្រើននៅក្នុងប្រទេសដែលមិនមានស្ថិរភាពដោយសារតែរដ្ឋប្រហារ និងការប្រយុទ្ធគ្នារវាងគណបក្សនយោបាយ។
កាលពីសប្តាហ៍មុន តុលាការធម្មនុញ្ញថៃបានសម្រេចរំលាយគណបក្សប្រឆាំង ដោយសារការប្រឹងប្រែងធ្វើយុទ្ធនាការកំណែទម្រង់ច្បាប់ស្តីពីការប្រមាថព្រះមហាក្សត្រ។
លោក ស្រេត ថា បានបដិសេធថាមិនបានប្រព្រឹត្តខុសនៅពេលតែងតាំងលោក Pichit Chuenban អតីតមេធាវីស៊ីណាវ៉ាត្រាទៅគណៈរដ្ឋមន្ត្រី។ មេធាវីម្នាក់នេះត្រូវបានឃុំខ្លួនរយៈពេលខ្លីពីបទប៉ុនប៉ងសូកប៉ាន់មន្ត្រីតុលាការ ប៉ុន្តែរឿងនេះមិនត្រូវបានគេបញ្ជាក់ឡើយ។
ការប្រកាសសាលក្រមប្រឆាំងនឹងលោកនាយករដ្ឋមន្ត្រី ស្រេត ថា ធ្វើឡើងក្នុងគ្រាដែលសេដ្ឋកិច្ចថៃកំពុងជួបការលំបាកជាច្រើន។ រដ្ឋាភិបាលថៃបានប៉ាន់ប្រមាណថាសេដ្ឋកិច្ចនឹងកើនឡើងត្រឹមតែ 2.7% នៅឆ្នាំនេះ ដែលទាបជាងប្រទេសដទៃទៀតនៅក្នុងតំបន់។ ប្រទេសថៃក៏ជាទីផ្សារដែលដំណើរការអាក្រក់បំផុតរបស់អាស៊ីផងដែរ ដោយសន្ទស្សន៍ភាគហ៊ុនសំខាន់បានធ្លាក់ចុះប្រហែល 17% ពីមួយឆ្នាំទៅមួយឆ្នាំ។
សេចក្តីសម្រេចរបស់តុលាការធម្មនុញ្ញថៃក៏ជាការសាកល្បងនៃ “បទឈប់បាញ់” ដ៏ផុយស្រួយរវាងបក្សពួករបស់អតីតនាយករដ្ឋមន្ត្រីដ៏មានឥទ្ធិពលថាក់ស៊ីន ស៊ីណាវ៉ាត្រា និងសត្រូវរបស់គាត់ក្នុងចំណោមឥស្សរជនអភិរក្សនិយម។ នោះបានជួយមហាសេដ្ឋី ស៊ីណាវ៉ាត្រា ត្រឡប់ទៅប្រទេសថៃវិញ បន្ទាប់ពីបាននិរទេសខ្លួនអស់រយៈពេល ១៥ ឆ្នាំ ៕ ដោយ៖ ធីរីណា

រូបថត​៖ EPA