សារព័ត៌មាន នគរវត្ត តែងតែនាំមុខគេជានិច្ច
ក្រុម Liverpool ដែលជាម្ចាស់ជើងឯក League Cup នឹងចាប់ផ្តើមការពារតំណែងជើងឯករបស់ខ្លួនដោយទទួលស្វាគមន៍ក្រុមភ្ញៀវ West Ham ក្នុងការប្រកួតជុំទី៣។ ការប្រកួតនៅ Anfield គឺជាការប្រកួតមួយក្នុងចំណោមការប្រកួត Premier League ទាំង៣ដែល Everton ប៉ះ Southampton នៅ Goodison Park និង Brighton ធ្វើជាម្ចាស់ផ្ទះទទួលក្រុម Wolves នៅ Amex Stadium។
ក្រុម Barrow មកពីក្របខ័ណ្ឌអង់គ្លេស League Two សម្រាប់ការឈានទៅជុំទី៣ ជាលើកដំបូងចាប់តាំងពីឆ្នាំ១៩៦៧-១៩៦៨ គឺជាដំណើរឆ្ពោះទៅរកការប្រកួតដោយត្រូវប៉ះ Chelsea ខណៈដែល AFC Wimbledon ដែលបានផ្តួលក្រុម Ipswich នៅ Premier League ដោយបាល់ប៉េណាល់ទីក្នុងជុំទី២នឹងធ្វើជាម្ចាស់ផ្ទះទទួលក្រុម Newcastle ។
ក្រុមកាំភ្លើងធំ Arsenal ប៉ះ Bolton Wanderers នៅកីឡដ្ឋាន Emirates ដោយ Manchester United ស្វាគមន៍ Barnsley មកកាន់ Old Trafford។ ក្រុមជើងឯក Manchester City នៅ Premier League នឹងទទួលក្រុមជើងឯក Watford នៅកីឡដ្ឋាន Etihad ខណៈ Aston Villa និង Tottenham ត្រូវបានប្រគល់ឱ្យទៅ Wycombe និង Coventry។
ការប្រកួតជុំទី៣នេះនឹងធ្វើឡើងក្នុងសប្តាហ៍ដែលចាប់ផ្តើមពីថ្ងៃទី១៦ និង២៣ ខែកញ្ញា ដោយការប្រកួត Champions League និង Europa League ក៏ត្រូវបានកំណត់ក្នុងអំឡុងពេលនេះដែរ។ ខាងក្រោមនេះគឺជាក្រុមដែលត្រូវប៉ះគ្នាសម្រាប់ការប្រកួតជុំទី៣នៃពានរង្វាន់ League Cup៖
Liverpool ប៉ះ West Ham
Manchester City ប៉ះ Watford
Arsenal ប៉ះ Bolton
Manchester United ប៉ះ Barnsley
Wycombe ប៉ះ Aston Villa
Coventry ប៉ះ Tottenham
Walsall ប៉ះ Leicester
Brentford ប៉ះ Leyton Orient
Blackpool ប៉ះ Sheffield Wednesday
Preston ប៉ះ Fulham
Everton ប៉ះ Southampton
QPR ប៉ះ Crystal Palace
Stoke ប៉ះ Fleetwood
Brighton ប៉ះ Wolves
AFC Wimbledon ប៉ះ Newcastle
Chelsea ប៉ះ Barrow ៕
ដោយ៖ ភារៈ (រូបភាព ៖ BBC Sport)
