ក្លិប២នៅអ៊ីតាលីកប្រជែងគ្នាយកកីឡាករ Yaya Toure ពីក្លិបMan City

ខ្សែបម្រើវ័យចំណាស់ Yaya Toure នឹងត្រូវបញ្ចប់ជាមួយនឹងក្លិប Man City នាចុងរដូវក្តៅនេះ ដែលរូបគេនឹងត្រូវចាក់ចេញពីកីឡដ្ឋាន Etihad នាពេលខាងមុខដ៏ឆាប់ ។ នេះបើយោងតាមប្រភពព័ត៌មានរបស់ The Sun ចេញផ្សាយកាលពីថ្ងៃចន្ទដើមសប្តាហ៍នេះ ដែលបង្ហាញពីការបញ្ចប់កុងត្រាជាមួយក្លិបមេឃខៀវ។

ទោះបីជាយ៉ាងណាក្តីកីឡាករវ័យ៣៣ឆ្នាំរូបនេះនៅតែមានក្លិបធំៗ ២នៅអ៊ីតាលីនឹងប្រជែងគ្នាដើម្បីនាំយកគេទៅលេងនៅអ៊ីតាលី គឺមានដូចជា AC Milan និង Inter Milan ។

តាមការអះអាងរបស់ ភ្នាក់ងារទិញដូរកីឡាកររូបនេះដែលមានឈ្មោះ Dimitri Seluk បានបញ្ជាក់ថា មានក្លិបមិនតិចជាង៥នោះឡើយដែលបានទាក់ទងចចារជាមួយ គាត់ហើយក្នុងនោះក៏មានអតីតក្លិបចាស់របស់ Yaya Toure ក្លិបMonaco ផងដែរ ។

សូមបញ្ជាក់ថា ក្លិប AC Milan កំពុងឈរនៅលេខរៀងទី៧ ខណៈក្រុម Inter Milan កំពុងឈរនៅលេខរៀងទី៥ នៅក្នុងក្របខ័ណ្ឌអ៊ីតាលី Serie A ជាក្រុមទាំង២នេះ ហាក់ធ្វើមិនបានល្អសម្រាប់ដូវកាលនេះដោយមានពិន្ទុឃ្លាតឆ្ងាយពីក្រុមកំពូលតារាង ៕

ខាងក្រុមនេះគឺជាតារាងពិន្ទុរបស់ក្រុមនីមួយៗនៅអ៊ីតាលី Serie A ៖