សារព័ត៌មាន នគរវត្ត តែងតែនាំមុខគេជានិច្ច
កីឡាការិនីវាយតឺន្នីសដ៏ស្រស់ស្អាតរបស់រុស្ស៊ីMaria Sharapovaបានធ្លាក់ចេញពីកម្មវិធី Stuttgart Openក្នុងវគ្គពាក់កណ្តាលផ្តាច់ព្រ័ត្តក្រោយប្រកួតចាញ់កីឡាការិនីKristina Mladenovic។
Maria Sharapova ឈ្នះនៅថ្ងៃត្រលប់មកកាន់ទីលានប្រកួតវិញជាលើកដំបូង បន្ទាប់ពីជាប់បម្រាម១៥ខែ ដោយផ្ដួល Roberta Vinci ក្នុងជុំទី១ ហើយបន្តផ្ដួលកីឡាការិនីរុស្ស៊ីដូចគ្នា Makarovaនៅជុំបន្ទាប់ទៀត។
ប៉ុន្តែកីឡាការិនីវ័យ៣០ឆ្នាំ Maria Sharapovaពុំមានសំណាងល្អឡើយពេលប៉ះ Kristina Mladenovicដោយប្រកួតចាញ់ក្នុងលទ្ធផល 3-6, 7-5 និង 6-4។ ចំណែកកីឡាការិនី Mladenovicដែលមានវ័យទើបតែ២៣ឆ្នាំ នឹងឡើងទៅប៉ះកីឡាការិនីអាល្លឺម៉ង់ Laura Siegemundនៅវគ្គផ្តាច់ព្រ័ត្រ ៕ ដេវីត
