សារព័ត៌មាន នគរវត្ត តែងតែនាំមុខគេជានិច្ច
ទីក្រុងបាសេឡូណា ប្រឈមនឹងអំពើហិង្សា ខ្លាំងឡើងនៅរសៀលថ្ងៃទី១៨ ខែតុលា ក្រោយពេលក្រុមបាតុករគាំទ្រ ការផ្តាច់ខ្លួនតំបន់ Catalinia ពីប្រទេសអេស្ប៉ាញបាន គប់ដុំថ្មទៅលើកម្លាំងប៉ូលិស ។ ជាមួយគ្នានោះដែរ ប៉ូលិសក៏បានតបតដោយបាញ់ឧស្ម័នបង្ហូរទឹកភ្នែក និងគ្រាប់កាំភ្លើងកៅស៊ូ ។
នៅទីក្រុងបាសេឡូណា ស្ថិតក្នុងភាពចលាចល ដោយក្រុមបាតុករបន្តធ្វើបាតុកម្ម៥ថ្ងៃជាប់គ្នា ទាមទារដោះលែងអ្នកនយោបាយ ៩ នាក់ត្រូវកាត់ទោសជាប់ពន្ធនាគារដោយចោទប្រកាន់ រៀបចំការបោះឆ្នោត ទាមទារឯករាជ្យ ។ បាតុកម្មបានធ្វើឡើងតំាងពីថ្ងៃទី១៤ ខែតុលា ដោយក្រុមបាតុករប្រមាណ ជាង៥សែននាក់ដង្ហែក្បួនបាតុកម្ម។
ពេលដំបូងបាតុកម្មធ្វើឡើងដោយសន្តិភាព ប៉ុន្តែក្រោយមក ក៏ក្លាយទៅជាអំពើហិង្សា បន្ទាប់ពីក្រុមយុវជនជ្រុលនិយម វាយប្រហារទីសាធារណនិង ដុតបំផ្លាញទីតាំងប៉ូលិស ។ សកម្មភាពហិង្សានោះបានបង្ខំឲ្យប៉ូលិស ត្រូវប្រើប្រាស់គ្រាប់បែកផ្សែង គ្រាប់កាំភ្លើងជ័រ វាយប្រហារទៅលើក្រុមបាតុករវិញ។
ការធ្វើបាតុកម្មខាងលើ បណ្តាលឲ្យជើងហោះហើរ ចំនួន៥៧ជើងត្រូវលុបចោល ផ្លូវល្បឿនលឿនតភ្ជាប់ ពីតំបន់ Catalanទៅកាន់ប្រទេសបារាំង ក៏ត្រូវបានបិទផងដែរធ្វើឲ្យប៉ះពាល់យ៉ាងខ្លាំង ដល់ចរាចរណ៍ ។
ចាប់តាំងពីបាតុកម្ម ផ្ទុះឡើងនៅថ្ងៃទី១៤ ខែតុលា មានបាតុករ ប្រមាណ១២៨ នាក់ត្រូវបានចាប់ខ្លយន ហើយមានប៉ូលិស២០៧នាករងរបួសផងដែរ។ ចំណែកក្រុមបាតុករវិញមាន៥០០នាក់រងរបួស ក្នុងនោះមាន ៦០នាក់រងរបួសនៅថ្ងៃទី១៨ខែតុលា ។
សកម្មភាពខាងលើ បានធ្វើឲ្យការប្រកួតបាលទាត់ រវាង ក្រុមបាសេឡូណា និងរៀលម៉ាឌ្រីតនៅថ្ងៃទី២៦ ខែតុលា ក៏ត្រូវផ្អាកផងដែរ៕
