សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនជាតិចិនបើករថយន្តទៅបុករថយន្តជនជាតិដូចគ្នាតាមបណ្តោយផ្លូវហាណូយ ស្ថិតសង្កាត់ឃ្មួញ ខណ្ឌសែនសុខ រាជធានីភ្នំពេញកាលពីម៉ោង ១ រំលងអធ្រាត្រឈានចូល ថ្ងៃទី១៩ ខែតុលា ឆ្នាំ២០១៩ ។
ប្រភពពត៌មាននៅកន្លែងកើតហេតុបានឲ្យដឹងថា មុនពេលកើតហេតុ គេឃើញមានរថយន្តមួយគ្រឿងម៉ាក KIA ពណ៌ស ពាក់ស្លាកលេខ ភ្នំពេញ 2BB-1271 បើកបរដោយបុរសជនជាតិចិន មានគ្នា៣នាក់ក្នុងទិសដៅទិសដៅពីត្បូងទៅជើង ខណៈមកដល់ចំណុចកើតហេតុ ក៏ត្រូវរថយន្ត CRV ពណ៌ខ្មៅ ពាក់ស្លាកលេខ ភ្នំពេញ 2B-2636 បើកបរដោយនារីជនជាតិចិនម្នាក់ទំនងជាស្រវឹងស្រា មកពីក្រោយបោះពួយយ៉ាងលឿន បុកពេញទំហឹង ហើយបម្រុងបើកគេច តែមិនប្រយ័ត្នជ្រុលចូលទៅបុកផ្ទះលក់គ្រឿងអគ្គិសនី បណ្ដាលឲ្យរងការខូចខាតសម្ភារ:អស់មួយចំនួនថែមទៀត។
បន្ទប់ពីកើតហេតុ សមត្ថកិច្ចបានចុះមកវាស់វែងយករថយន្តទាំងពីរគ្រឿង ទៅរក្សាទុកនៅការិយាល័យចរាចរផ្លូវគោករាជធានីភ្នំពេញ រង់ចាំដោះស្រាយគ្នានៅពេលក្រោយ ៕ ជ្រោយពេជ្រ
