សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ ក្រសួងសាធារណការ និងដឹកជញ្ជូនសម្រេចផ្អាកជាបណ្តោះអាសន្នលើការអនុញ្ញាតចូលនាវាទេសចរណ៍មកក្នុងព្រះរាជាណាចក្រកម្ពុជាតាមច្រកអន្តរជាតិក្អមសំណរពីថ្ងៃនេះតទៅរហូតដល់មានការសម្រេចជាថ្មី ។
យោងតាមលិខិតនៅថ្ងៃទី១៣ ខែមីនា ឆ្នាំ២០២០ឲ្យដឹងថា អគ្គនាយកដ្ឋានដឹកជញ្ជូនផ្លូវទឹក ផ្លូវសមុទ្រ និងកំពង់ផែ សម្រេចផ្អាកជាបណ្តោះអាសន្នលើការអនុញ្ញាតចូលនៃនាវាទេសចរណ៍មកក្នុងព្រះរាជាណាចក្រកម្ពុជាតាមច្រកអន្តរជាតិក្អមសំណរពីថ្ងៃនេះតទៅរហូតដល់មានការសម្រេចជាថ្មី ។
ដូចមានចែងក្នុងកម្មវត្ថុខាងលើ អគ្គនាយកដ្ឋានដឹកជញ្ជូនផ្លូវទឹក ផ្លូវសមុទ្រ និងកំពង់ផែ ជម្រាបជូនលោក លោកស្រីជាប្រធាន ឬតំណាងក្រុមហ៊ុនភ្នាក់ងារនាវា នៃនាវាទេសចរណ៍ទាំងអស់ ជ្រាបថា៖
អគ្គនាយកដ្ឋានដឹកជញ្ជូនផ្លូវទឹក ផ្លូវសមុទ្រ និងកំពង់ផែសូមធ្វើការនិរាករណ៍លើខ្លឹមសារ នៃលិខិតលេខ ៥៧០ សក. ដជទ. ចុះថ្ងៃទី ១៣ ខែមីនា ឆ្នាំ២០២០។
អាស្រ័យហេតុដូចបានជម្រាបជូនខាងលើ សូមលោក លោកស្រីជាប្រធាន ឬតំណាង ភ្នាក់ងារនាវានៃនាវាទេសចរណ៍ទាំងអស់ ជ្រាបជាព័ត៌មាន និងអនុវត្តប្រកបដោយប្រសិទ្ធភាព ៕ ដោយ ៖ ជាយក្រុង 
