សារព័ត៌មាន នគរវត្ត តែងតែនាំមុខគេជានិច្ច
កីឡាការិនីវាយកូនគោលលើទឹកកក ចំនួន២នាក់បានធ្វើតេស្តវិជ្ជមាន COVID-19 បន្ទាប់ពីត្រឡប់ មកពីសហរដ្ឋអាមេរិកវិញ។ នេះយោងតាមការចេញផ្សាយពីគេហទំព័រឆៃណាឌៀលី និងសេចក្តីប្រកាសរបស់សមាគមវាយកូនគោល លើទឹកកកប្រទេសចិន។
ការធ្វើតេស្តវិជ្ជមាននៅចុងបញ្ចប់នៃរយៈពេលដាច់តែឯង។ កីឡាការិនីដែលឆ្លងជំងឺទាំង២នាក់កំពុងទទួលការព្យាបាលនៅមន្ទីរពេទ្យបាន កំណត់ទាំងមានអារម្មណ៍ធូរស្រាលដោយរោគសញ្ញាស្រាល។ សមាជិកក្រុមនៅសេសសល់ មានសុខភាពល្អហើយនឹងទទួលបានការត្រួត ពិនិត្យផ្នែកវេជ្ជសាស្ត្រ បន្ថែមទៀតក្រោមការ ថែរក្សា។
ជាផ្នែកមួយនៃផែនការ បណ្តុះបណ្តាល ក្រុមនេះបាន ចូលរួមប្រកួត ក្នុងការ ប្រកួតពានរង្វាន់យុវជនវាយកូនគោល លើទឹកកក (JWHL) Challenge Cup នៅឯខេតថល Capitals Iceplex រដ្ឋវ៉ាស៊ីនតោនចាប់ ពីថ្ងៃទី ១៤ ដល់ថ្ងៃទី១៨ ខែកុម្ភៈ។
គួរបញ្ជាក់ថា កីឡាការិនីចិនទាំង២រូបនេះបានហ្វឹកហាត់ នៅសហរដ្ឋអាមេរិក ដើម្បីត្រៀមចូលរួមប្រកួតជើងឯកពិភពលោកនៅប៉ូឡូញដែលគ្រោងនឹងធ្វើ នៅខែមីនា ប៉ុន្តែការប្រកួតត្រូវបានលុបចោលដោយសារមេរោគឆ្លង។ ជាមួយនឹងការរាតត្បាត នៅសហរដ្ឋអាមេរិកក្រុមនេះបានវិលត្រឡប់ទៅផ្ទះវិញនៅថ្ងៃទី១៣ ខែមីនាហើយ គ្មានសមាជិក ណាម្នាក់ក្នុងចំណោមសមាជិកទាំង ១១ នាក់របស់ពួកគេមាន អាការក្តៅខ្លួនទេ នៅពេលសីតុណ្ហភាព រាងកាយរបស់ពួកគេត្រូវបានត្រួត ពិនិត្យនៅពេលចុះចត៕ ដោយ៖ភារៈ
