ពលករប្រុស ស្រីជាង៣០០នាក់នៅតែបន្តវិលពីប្រទេសថៃចូលមកកម្ពុជា តាមច្រករបៀងចំការគរ

ក្រុងប៉ោយប៉ែត៖ ពលករប្រុស ស្រីត្រូវបានគេដឹកតាមរថយន្តពីប្រទេសថៃមកទម្លាក់ចោលក្នុងភូមិទព័សៀម ស្រុកតាបប្រាយ៉ា(ថៃ)ទល់មុខច្រករបៀងចំការគ ក្នុងស្រុកស្វាយចេក ជាបន្តបន្ទាប់ដោយចាប់គិតពីថ្ងៃទី២៩ ខែរហូតមកដល់ថ្ងៃទី៣១
ខែមីនា ឆ្នាំ២០២០ នេះមានចំនួន៣១៣នាក់។
ទាហ៊ានជួរមុខរបស់កម្ពុជាប្រាប់ថា ពលករប្រុសស្រីចំនួន៣១៣នាក់ នេះគីមកពីប្រទេសថៃ ដោយចាប់គិតពីថ្ងៃទី២៩ ខែមីនា ឆ្នាំ២០២០ មានចំនួន៧២នាក់ ថ្ងៃទី៣០ ខែមីនា ឆ្នាំ២០២០ មានចំនួន១២៤នាក់ និងថ្ងៃទី៣១ ខែមីនា ឆ្នាំ២០២០
ចំនួន១១៧នាក់។
ដែលក្រុមទាហ៊ាននៅជួរមុខរបស់ពួកគាត់ទៅទទួលយកពីទឺដីថៃដែលភាគីថៃដឹកមកដាក់នៅខាងទឹកដីរបស់គេ។ ដើម្បីងាយស្រួលដល់ការគ្រប់គ្រងក្នុងការតាមដានសុខភាពរបស់ពួកពលរដ្ឋទាំងនោះ និងក្រោមបទបញ្ជា និងការណែនាំ ពីឯកឧត្តម មេបញ្ជាការរង កងទ័ពជើងគោក មេបញ្ជាការ យោធភូមិភាគទី៥ លោកឧត្តមសេនីយ៍ទោ ឈុន ម៉ៅ មេបញ្ជាការរង យោធភូមិភាគទី៥ មេបញ្ជាការទិសទី១ បន្ទាយមានជ័យ  ដឹកនាំកម្លាំងចុះសហការ បានចុះធ្វើការអប់រំណែនាំបងប្អូនប្រជាពលរដ្ឋខ្មែរ ដែលទើបតែត្រឡប់មកពីប្រទេសថៃអោយយល់ដឹងអំពីវិធីការពារ ការឆ្លងរីករាលដាលនៃជំងឺកូវីដ-១៩   ។
បន្ទាប់ពីប្រមូលជុំគ្នាពលករទាំងអស់នោះដឹកមកពិនិត្យសុខភាពនៅមណ្ឌលសំណតក្រុងប៉ោយប៉ែត។
លោកអភិបាលខេត្តបន្ទាយមានជ័យអ៊ុំ រាត្រីមាន
ប្រសាសន៏ថា ចំពោះភាគីថៃគាត់មិនបានបិទទេ ហើយសំរាប់ពលករខាងអាជ្ញាធរថៃគាត់មានការសម្របសម្រូលឲ្យមានរយៈពេល៦ខែ តែគាត់មិនអាចនៅបានព្រោះកន្លែងការងារនៅតាមបណ្តាលក្រុមហ៊ុន រម្មណីយដ្ឋាន រោងចក្រ និងកន្លែងការងារមួយចំនួននៅក្នុងប្រទេសថៃ ត្រូវបានផ្អាក ដូច្នេះពួកគាត់ត្រូវសម្រេចចិត្ត
ត្រូវតែវិលត្រលប់មកស្រុកកំណើតរបស់គាត់វិញ។
លោកបន្ថែមថាៈក្នុងនាមអាជ្ជាធរនិងជាបងប្អូនខ្មែរដូចគ្នាគីត្រូវតែទទួលទោះមានការនើយហត់
យ៉ាងណាក៏ដោយ។លោកផ្ដែផ្ដាំពលករក៏ដូចជាពលរដ្ឋនៅក្នុងមូលដ្ឋានសូម ស្តាប់តាមការណែនាំរបស់អាជ្ញាធរមូលដ្ឋានដើម្បីចូលរួមទប់ស្កាត់ការរីករាល់ដាលជំងឺកូវីដ១៩ និងសុខភាព សុវត្ថិភាពខ្លួន ៕ វណ្ណា