សារព័ត៌មាន នគរវត្ត តែងតែនាំមុខគេជានិច្ច
ខេត្តឧត្ដរមានជ័យ៖ សមត្ថកិច្ចបានធ្វើការឃាត់ខ្លួនគ្រូពេទ្យម្នាក់ពាក់ព័ន្ធករណី ព្យាបាលមនុស្សបណ្ដាលឲ្យស្លាប់កាលពីថ្ងៃទី៧ ខែ ឧសភា ឆ្នាំ២០២០ ស្ថិតនៅភូមិក្ដុល ឃុំអំពិល ស្រុកបន្ទាយអំពិលខេត្តឧត្ដរមានជ័យ។
សមត្ថកិច្ចបានឲ្យដឹងថាកម្លាំងជំនាញអធិការដ្ឋាននគរបាលស្រុកបន្ទាយអំពិល សហការជាមួយមន្ទីរសុខាភិបាលខេត្ត និងដោយមានបញ្ជាពីលោក តូច ភក្តី ព្រះរាជអាជ្ញាអមសាលាដំបូងខេត្ត បានចុះឃាត់ខ្លួនជនសង្ស័យ ០១ នាក់ ឈ្មោះ ស៉ឹម សាន ហៅ សាវីន ភេទ ប្រុស អាយុ ៥២ ឆ្នាំ រស់នៅភូមិក្តុល ឃុំអំពិល ស្រុកបន្ទាយអំពិល ពាក់ព័ន្ឋករណីបើកសេវាឯកជនពិនិត្យព្យាបាលជំងឺដោយគ្មានអាជ្ញាប័ណ្ណត្រឹមត្រូវ និងបណ្តាលឲ្យមនុស្សស្លាប់ ០១ នាក់។ ជនរងគ្រោះឈ្មោះ អ៉ឹម សុង ភេទ ប្រុស អាយុ ៧៧ ឆ្នាំ រស់នៅភូមិគោករិទ្ធ ឃុំអំពិល ស្រុកបន្ទាយអំពិល ខេត្តឧត្ដរមានជ័យ ។
បច្ចុប្បន្ន ជនសង្ស័យខាងលើសមត្ថកិច្ច កំពុងធ្វើការសាកសួរដើម្បីកសាងសំណុំរឿងចាត់ការតាមនីតិវិធី ។ប៉ែន នួន
