សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យ៤នាក់ ដែលជាមុខសញ្ញាជួញដូរដោយខុសច្បាប់នូវសារធាតុញៀន ត្រូវបានកម្លាំងជំនាញ នៃអធិការដ្ឋាននគរបាលខណ្ឌឫស្សីកែវ សហការជាមួយនគរបាលប៉ុសិ៍្តស្វាយប៉ាក ធ្វើការស្រាវជ្រាវបង្ក្រាបនិងឃាត់ខ្លួនជាក់ស្តែង រួមនឹងម្សៅក្រាមពណ៌សថ្លាចំនួន ៦កញ្ចប់ កាលពីវេលាម៉ោង១៥និង៣០នាទីរសៀល ថ្ងៃទី២០ ខែឧសភា ឆ្នាំ២០២០ ត្រង់ចំណុច ក្រុមទី៦ ភូមិលូ សង្កាត់ស្វាយប៉ាក ខណ្ឌឫស្សីកែវ រាជធានីភ្នំពេញ ។
លោកវរសេនីយ៍ទោ ហ៊ាង ថារ៉េត អធិការនគរបាលខណ្ឌឫស្សីកែវ បានឲ្យដឹងនៅល្ងាច ថ្ងៃទី២០ ខែឧសភា ឆ្នាំ២០២០នេះថា ក្នុងប្រតិបត្តិការនោះសមត្ថកិច្ចជំនាញ បានឃាត់ខ្លួនជនសង្ស័យ៤នាក់៖
១-ឈ្មោះ ជួន សុផាត ភេទប្រុស អាយុ២៣ឆ្នាំ ជនជាតិ ខ្មែរ មាន ទីលំនៅ ភូមិអូរធ្លាក់ ឃុំភ្នំបាត ស្រុក ពញាឭ ខេត្តកណ្តាល មុខរបរកម្មករ។
២- ឈ្មោះ សេង សុីថុល ភេទ ប្រុស អាយុ ២៦ ឆ្នាំ ជនជាតិខ្មែរ មានទីលំនៅ ភូមិ ក្បាលស្ពាន ឃុំភ្នំបាត ស្រុកពញាឭ ខេត្តកណ្តាល មុខរបរ មិនពិតប្រាកដ ។ ៣-ឈ្មោះ យ៉ាង រិទ្ធតុង ភេទប្រុស អាយុ២១ ឆ្នាំ ជនជាតិខ្មែរ មានទីលំនៅ ខេត្តកំពង់ចាម មុខរបរ ជាងដែក ។ ៤-ឈ្មោះ ឡួយ សុធា ភេទប្រុស ជនជាតិខ្មែរ អាយុ ២៧ ឆ្នាំ មានទីលំនៅភូមិ ស្វាយជ្រំ ស្រុកថ្មគោល ខេត្តបាត់ដំបង មុខរបរ ជាងដែក ។
សម្ភារដកហូតមាន៖
-ម្សៅក្រាមពណ៌សថ្លាចំនួន ០៦ (ប្រាំមួយ)កញ្ចប់ និងម៉ូតូ០២ (ពីរ)គ្រឿង ។
– ម្សៅក្រាមពណ៌សថ្លាចំនួន០៤កញ្ចប់ ជារបស់ជនសង្ស័យឈ្មោះ ឡូយ សុផា។
– ម្សៅក្រាមពណ៌សថ្លាចំនួន០១កញ្ចប់ ជារបស់ជនសង្ស័យឈ្នោះ ជួន សុផា។
– ម្សៅក្រាមពណ៌សថ្លាចំនួន០១ កញ្ចប់(ជារបស់ជនសង្ស័យឈ្មោះសេង សុីថុល។
ក្រោយឃាត់ខ្លួនជនសង្ស័យ រួមនឹងវត្ថុតាង ត្រូវបានកម្លាំងជំនាញបញ្ជូនទៅកាន់អធិការដ្ឋាននគរបាលខណ្ឌឫស្សីកែវ ដើម្បីកសាងសំណុំរឿង ចាត់ការតាមនីតិវិធីច្បាប់ ៕ដោយ៖ស រស្មី
