សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រថយន្តពីរគ្រឿងបុកគ្នានៅផ្លូវបែកជាបួនបណ្ដាលឲ្យរងការខូចខាតរថយន្តទាំងសងខាង។
ហេតុការណ៍នេះបានកើតឡើងនៅម៉ោង ១និង២០នាទីរំលងអធ្រាត្រឈានចូលថ្ងៃទី ២៥ ខែសីហាឆ្នាំ២០២០នៅតាមបណ្តោយផ្លូវលេខ១១៣កែងនឹងផ្លូវលេខ៦១៨ (ក្នុងសង្កាត់បឹងកក់) សង្កាត់ស្រះចក ខណ្ឌដូនពេញ រាជធានីភ្នំពេញ។
ប្រប្រភពព័ត៌មានពីប្រជាពលរដ្ឋនៅកន្លែងកើតហេតុបានឲ្យដឹងថា មុនពេលកើតហេតុគេបានឃើញរថយន្តម៉ាកតូយ៉ូតាព្រូសមួយគ្រឿងពណ៌ផ្ទៃមេឃ បើកបរដោយជនជាតិចិនពាក់ស្លាកលេខភ្នំពេញ 2AW-0262ធ្វើដំណើរក្នុងទិសដៅពីត្បូងបម្រុងបត់ទៅលិចក្នុងល្បឿនស្រាប់តែមកដល់ចំណុចកើតហេតុគេបានឃើញរថយន្តម៉ាកស្តារិចមួយគ្រឿងទៀតដែលពាក់ស្លាកលេខ ភ្នំពេញ 2AX-0993 បើកបរ ដោយជនជាតិចិន ដូចគ្នាធ្វើដំណើក្នុងទិសដៅពីជើងបម្រុងមកខាងត្បូងវិញ ក្នុងល្បឿនលឿនដូចគ្នាខណៈមកដល់ចំណុចកើតហេតុក៏ជ្រុលទៅបុកចំហៀងខាងក្រោយរថយន្តតូយ៉ូតាព្រូសពេញទំហឹងបណ្តាលឲ្យរងការខូចខាតទាំងសងខាងហើយនៅក្នុងហេតុការណ៍គ្រោះថ្នាក់ចរាចរណ៍នេះមិនមានអ្នករងរបួសនោះទេ។
បន្ទាប់កើតហេតុក្នុងករណីគ្រោះថ្នាក់ចរាចរណ៍មិនមានសមត្ថកិច្ចចូលមកដោះស្រាយទេគឺភាគីទាំងពីរព្រមសម្របសម្រួលគ្នាយករថយន្តទៅជួសជុលរៀងៗខ្លួន៕ជ្រោយពេជ្រ
