សារព័ត៌មាន នគរវត្ត តែងតែនាំមុខគេជានិច្ច
ខេត្តកណ្ដាល៖ អគ្គិភ័យមួយបានកំពុងឆាបឆេះ ទៅលើទីតាំងរោងចក្រហ្គោស្តា នាវេលាម៉ោង៩ព្រឹកថ្ងៃទី៩ ខែធ្នូ ឆ្នាំ២០២០ ស្ថិតក្នុងភូមិព្រែកថី សង្កាត់រកាខ្ពស់ ក្រុងតាខ្មៅ ខេត្តកណ្តាល ។ ពេលនេះផងដែរ កម្លាំងសមត្ថកិច្ចនគរបាលខេត្តកណ្ដាល បានចេញរថយន្តពន្លត់អគ្គីភ័យ ទៅកាន់កន្លែងកើតហេតុ ដើម្បីជួយអន្តរាគមន៍បាញ់ពន្លត់។
សមត្ថកិច្ចបានបញ្ជាក់ជាបឋមថា អគ្គិភ័យនេះមុនដំបូងបានឆាបឆេះ ចេញពីកន្លែងឡសម្រាប់សម្ងួតសំលៀកបំពាក់។
ទាំងអាជ្ញាធរ សមត្ថកិច្ច កំពុងជួយពន្លត់ ដើម្បីកុំឲ្យស្ថានភាពនេះ មានករណីគ្រោះថ្នាក់ដល់ប្រជាពលរដ្ឋ ដូចជាទ្រព្យសម្បត្តិនោះក្នុងរោងចក្រ។
ចំពោះព័ត៌មានលំអិត អង្គភាព នគរដ្រេហ្គន នឹងធ្វើការផ្សាយបន្តបន្ថែមទៀត៕
ដោយ៖ស្អាង ជ័យ
