សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់បានស្លាប់ភ្លាមៗនៅកន្លែងកេីតហេតុនិងម្នាក់ទៀតរងរបួសធ្ងន់ត្រូវបញ្ជូនទៅសង្គ្រោះភ្លាមៗខណះកំពុងជិះម៉ូតូត្រូវរថយន្តឡិចស៊ិស450បេីកបញ្ច្រាសទិសបុកពេញទំហឹងកាលពីវេលាម៉ោង៨និង៤០នាទីយប់ថ្ងៃទី១៨ខែធ្នូឆ្នាំ២០២០ នៅចំណុចមុខកងពលតូច៧០ តាមបណ្តោយផ្លូវជាតិលេខ៣ សង្កាត់ចោមចៅទី២ ខណ្ឌពោធិ៍សែនជ័យ។
ម្ចាស់រថយន្តឈ្មោះ ភិន សុផុន ភេទប្រុសអាយុ៥២ឆ្នាំ ស្នាក់នៅ សង្កាត់បឹងកេងកង ខណ្ឌបឹងកេងកង។
ចំណែកជនរងគ្រោះឈ្មោះ សុន ណង់ ភេទប្រុស អាយុ៣៦ឆ្នាំ មានស្រុកកំណេីតនៅភូមិលេខ១ ឃុំស្វាយរលំ ស្រុកស្អាង ខេត្តកណ្តាល។
តាមប្រភពព័ត៌មានពីកន្លែងកេីតហេតុបានឲ្យដឹងថា មុនពេលកេីតហេតុគេបានឃេីញម៉ូតូម៉ាកឌ្រីមហុងដា ពណ៌ខ្មៅ ពាក់ស្លាកលេខកណ្តាល1R.7396 ធ្វេីដំណេីរតាមបណ្តោយផ្លូវជាតិលេខ៣ ក្នុងទិសដៅពីជេីងទៅត្បូងខណៈមកដល់ចំណុចកេីតហេតុស្រាប់តែមានរថយន្តម៉ាកឡិចស៊ីស450 ពណ៌ទឹកប្រាក់ ពាក់ស្លាកលេខភ្នំពេញ2I. 7318 បេីកបរដោយបុរសម្នាក់ធ្វេីដំណេីរតាមបណ្តោយផ្លូវជាតិលេខ៣ក្នុងទិសដៅពីត្បូងទៅជេីងទាំងបញ្ច្រាសទិសដៅចរាចរណ៍ក៏ជ្រុលបុកម៉ូតូពេញទំហឹងបណ្តាលឲ្យស្លាប់ម្នាក់របួសម្នាក់ត្រូវបញ្ជូនទៅសង្គ្រោះនៅមន្ទីរពេទ្យភ្លាមៗ។
ក្រោយកេីតហេតុសមត្ថកិច្ចបានចុះទៅដល់ចំណុចកេីតហេតុនិងទាក់ទងទៅជំនាញមកធ្វេីការវាស់វែងយករថយន្តនិងម៉ូតូទៅរក្សាទុកនៅការិយាល័យចរាចរណ៍ជេីងគោករាជធនីភ្នំពេញរង់ចាំដោះស្រាយតាមច្បាប់។
ដោយឡែកសពជនរងគ្រោះត្រូវបានប្រគល់ជូនក្រុមគ្រួសារមកទទួលយកទៅធ្វេីបុណ្យតាមប្រពៃណី៕ដោយ៖សុខាសែនជ័យ
