សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ នៅវេលាម៉ោង ១៖០០នាទីរំលងអធ្រាត្រឈានចូលថ្ងៃទី២០ ខែធ្នូ ឆ្នាំ២០២០ កម្លាំងជំនាញនៃអធិការដ្ឋាននគរបាលក្រុងព្រះសីហនុ បានឃាត់ខ្លួនជនសង្ស័យពាក់ពន្ធ័ករណីគ្រឿងញៀនម្នាក់ ស្ថិតនៅក្រុម២១ ភូមិ១ សង្កាត់លេខ៤ ក្រុង/ខេត្តព្រះសីហនុ ។
ជនសង្ស័យឈ្មោះ ពៅ មករា ភេទប្រុស ឆ្នាំកំណេីត ២០០២ ជនជាតិខ្មែរ មុខរបរ មិនពិតប្រាកដ មានទីលំនៅបច្ចុប្បន្ន ក្រុម ២១ ភូមិ១ សង្កាត់៤ ក្រុង/ខេត្តព្រះសីហនុ និងមានស្រុកកំណេីតនៅភូមិ ៥ សង្កាត់៤ ខណ្ឌមិត្តភាព ក្រុង/ខេត្តព្រះសីហនុ ។ វត្ថុតាងដែលសមត្ថកិច្ចដកហូតបានមាន ម្សៅក្រាម ពណ៌សថ្លា សង្ស័យសារធាតុញៀន១៣កញ្ចប់ ។
បច្ចុប្បន្នជនសង្ស័យខាងលេីកំពុងឃាត់ខ្លួននៅអធិការដ្ឋាននគរបាលក្រុងព្រះសីហនុ ដេីម្បីធ្វេីការសាកសួរ និង កសាងសំណុំរឿងបញ្ជូនបន្តតាមនីតិវិធីច្បាប់ ៕
ដោយ៖ឆ្លាមសមុទ្រ
