យុវជនម្នាក់តូចចិត្តសង្សារសុំទៅរៀបការជាមួយអ្នកផ្សេងលេបថ្នាំសម្លាប់ខ្លួន

ខេត្តបាត់ដំបង៖ យោងតាមរបាយការណ៍របស់សមត្ថកិច្ចមូលដ្ឋានស្រុកភ្នំព្រឹកបានប្រាប់ឲ្យដឹងថា ករណីយុវជនម្នាក់បានគិតខ្លីធ្វើអត្តឃាតដោយលេបថ្នាំពុលបញ្ចប់ជីវិតខ្លួនឯងនេះបានកើតឡើងនៅយប់ថ្ងៃទី១០ ខែមករា ឆ្នាំ២០២១ ត្រង់ចំណុចភូមិដំណាក់ក្សាន្ត ឃុំបួរ ស្រុកភ្នំព្រឹក ខេត្តបាត់ដំបង ដោយសារយុវជនរូបនេះតូចចិត្តនឹងសង្សារស្តីបន្ទោសឲ្យថា÷ស្រឡាញ់នាងមិនស្មោះហើយក៏នាងសុំទៅរៀបការជាមួយប្រុសថ្មីដែលគេស្រឡាញ់នាងពិតប្រាកដ។

បើតាមសមត្តកិច្ចបន្តថា៖ យុវជនរងគ្រោះដែលគិតខ្លីលេបថ្នាំពុលនោះមានឈ្មោះប៉ាវ សង់ ភេទប្រុស អាយុ២០ឆ្នាំ មានឪពុកឈ្មោះខៀវ បូរ អាយុ៥២ឆ្នាំ និងម្តាយឈ្មោះសុខ រឿន អាយុ៥១ឆ្នាំរស់នៅក្នុងភូមិ ឃុំកន្លែងកើតហេតុខាងលើ។

ជុំវិញករណីដដែលនេះក្រោយកម្លាំងនគរបាលជំនាញបានចុះពិនិត្យនិងធ្វើកោសល្យវិច័យរួចបានធ្វើកំណត់ហេតុប្រគល់សាកសពទៅឲ្យក្រុមគ្រួសារដើម្បីរៀបចំធ្វើបុណ្យតាមប្រពៃណី៕

ដោយ៖ស សារ៉េត