សារព័ត៌មាន នគរវត្ត តែងតែនាំមុខគេជានិច្ច
ខេត្តត្បូងឃ្មុំ ៖ នគរបាលស្រុកក្រូចឆ្មារបានចុះចាប់ខ្លួនបុរសម្នាក់ឈ្មោះ ឡុន ឡែន អាយុ២៧ឆ្នាំ ជនជាតិខ្មែរ មានទីលំនៅភូមិបារាយ ឃុំឈូក ស្រុកក្រូចឆ្មារ ខេត្តត្បូងឃ្មុំ ពីបទរក្សាទុកដោយខុសច្បាប់នូវសាធាតុញៀន ប្រព្រឹត្តនៅចំណុចភូមិច្រវាក់ដែក ឃុំឈូក ស្រុកក្រូចឆ្មារ ខេត្តត្បូងឃ្មុំ កាលពីថ្ងៃទី០៧ ខែ វិច្ឆិកា ឆ្នាំ២០២០ ។
នគរបាលឱ្យដឹងថា ការចាប់ខ្លួនបុរសរូបនេះនៅថ្ងៃទី១០ ខែមីនា ឆ្នាំ២០២១ ដោយអនុវត្តតាមដីកាបង្គាប់ឱ្យចាប់ខ្លួនរបស់ចៅក្រមស៊ើបសួរនៃសាលាដំបូង ខេត្តត្បូងឃ្មុំ លេខ៤៣៥ ចុះថ្ងៃទី០៧ ខែធ្នូ ឆ្នាំ២០២០ ពីបទរក្សាទុកដោយខុសច្បាប់នូវសារធាតុញៀន ។
បច្ចុប្បន្ន ជនត្រូវចោទត្រូវបានបញ្ជូនមកអធិការដ្ឋាននគរបាលស្រុកក្រូចឆ្មារ ដើម្បីបំពេញបែបបទតាមនីតិវិធី៕
ដោយ៖វណ្ណៈ
