សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រថយន្តបាញ់បេតុងមួយគ្រឿងខណៈកំពុងបាញ់ស៊ីម៉ងត៍ចាក់ពិតានផ្ទះឱ្យគេមួយកន្លែងស្រាប់តែដាច់ដងស្ទូចធ្លាក់មកសង្កត់សំយាបផ្ទះគេនិងកិនរុឺម៉កម៉ូតូមួយគ្រឿងទៀតរងការខូចខាត។
ហេតុការណ៍នេះបានកេីតឡេីងកាលពីវេលាម៉ោង៥ល្ងាច ថ្ងៃទី១៥ ខែមីនា ឆ្នាំ២០២១ នៅក្នុងភូមិកប់គង សង្កាត់ចោមចៅទី២ ខណ្ឌពោធិ៍សែនជ័យ។
តាមប្រភពព័ត៌មានពីកន្លែងកេីតហេតុបានឲ្យដឹងថា មុនពេលកេីតហេតុម្ចាស់ផ្ទះជិតផ្ទះរងគ្រោះបានហៅរថយន្តបាញ់បេតុងដេីម្បីមកចាក់ពិតាន ខណះចាក់រួចក៏លេីករំលងផ្ទះ២ខ្នងតែមិនទាន់ផុតផងស្រាប់តែដាច់ដែកធ្លាក់ចុះមកក្រោមសង្កត់ទៅលេីសំយាបផ្ទះនិងរុឺម៉កម៉ូតូបណ្តាលឲ្យរងការខូចខាត តែសំណាងដែរដែលមិនមានរបួសដល់មនុស្ស។
ក្រោយកេីតហេតុសមត្ថកិច្ចមូលដ្ឋានបានចុះទៅដល់ចំណុចកេីតហេតុនិងធ្វើការសម្របសម្រួលដេីម្បីបញ្ចប់រឿង៕
ដោយ៖ សុខាសែនជ័យ
