សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យមួយក្រុមបានធ្វេីសកម្មភាពដេញកាប់យុវជនម្នាក់ក្នុងបំណងប្លន់យកម៉ូតូតែមិនបានសម្រេចត្រូវបានកម្លាំងសមត្ថកិច្ចល្បាតប្រទះឃេីញដេញឃាត់ខ្លួនជនសង្ស័យបានចំនួន៧នាក់ជាបន្តបន្ទាប់កាលពីវេលាម៉ោង១០និង៣០នាទីយប់ថ្ងៃទី២៥ ខែមីនា ឆ្នាំ២០២១ នៅចំណុចមុខស្ថានីយប្រេងឥន្ធន:សំប្រាថ្នា តាមបណ្តោយផ្លូវជាតិលេខ៣ សង្កាត់ចោមចៅទី៣ ខណ្ឌពោធិ៍សែនជ័យ។
តាមប្រភពព័ត៌មានបានឱ្យដឹងថា មុនពេលកេីតហេតុយុវជនម្នាក់ជិះម៉ូតូតាមបណ្តោយមហាវិថីសហព័ន្ធរុស្ស៊ី ក្នុងទិសដៅពីកេីតទៅលិច ខណៈមកដល់ចំណុចរង្វង់មូលចោមចៅស្រាប់តែមានជនសង្ស័យមួយក្រុមប្រដាប់ដោយដាវបានមកដេញកាប់ជនរងគ្រោះ ភ្លាមនោះជនរងគ្រោះបានព្យាយាមបើកម៉ូតូគេចខ្លួនក៏ជួបនឹងកម្លាំងសមត្ថកិច្ចកំពុងល្បាត ហើយបាននិយាយប្រាប់អំពីរឿងហេតុ ទេីបកម្លាំងសមត្ថកិច្ចដេញចាប់ក្រុមជនសង្ស័យរហូតមកដល់មុខស្ថានីយប្រេងឥន្ទន:សំប្រាថ្នាក៏ឃាត់បាន៣ម៉ូតូនិងមនុស្ស៥នាក់ ថែមទាំងដាវ២ដេីម
ទៀត។
ប្រភពពដដែលបនបន្តថា បន្ទាប់មកកម្លាំងក៏បានតាមចាប់បក្ខពួកបន្តទៀត រហូតទៅដល់ភូមិថ្មគោលទេីបឃាត់បានជនសង្ស័យ២នាក់បន្ថែមទៀត។
បច្ចុប្បន្នជនសង្ស័យត្រូវបានសមត្ថកិច្ចបញ្ជូនខ្លួនទៅអធិការដ្ឋាននគរបាលខណ្ឌពោធិ៍សែនជ័យដេីម្បីចាត់ការតាមច្បាប់៕
ដោយ៖សុខាសែនជ័យ
