សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ឆ្នាំង ៖ បុរសម្នាក់រងរបួសមុតធ្លាយភ្លៅខាងឆ្វេងម្ខាង បន្ទាប់ពីបានបើកម៉ូតូរបស់ខ្លួនក្នុងល្បឿនលឿនបុករទេះក្របី ។ ហេតុការណ៍គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង៧និង៣០នាទីយប់ថ្ងៃទី២៩ ខែមិថុនា ឆ្នាំ២០២១ ជ្រលង ឃុំដារ ស្រុកកំពង់លែង ខេត្តកំពង់ឆ្នាំង ។
សមត្ថកិច្ចបានឱ្យដឹងថា ជមរងគ្រោះមានឈ្មោះ ខុម សារ៉ា ភេទប្រុសអាយុ ២៥ឆ្នាំរស់នៅភូមិឃុំខាងលើ នៅមុនពេលកើតហេតុជនរងគ្រោះ បានជិះម៉ូតូមួយគ្រឿងម៉ាកហុងដាវ៉េវ គ្មានស្លាកលេខ ក្នុងទិសដៅពីខាងជើងទៅខាងត្បូង ដោយបានបើកក្នុងល្បឿនយ៉ាងលឿន នៅពេលមកដល់ចំណុចកើតហេតុ ជ្រុលទៅបុករទេះក្របី ដែលកំពុងធ្វើដំណើរ បណ្តាលឱ្យជនរងគ្រោះបុកចំព្រេករទេះ បង្កឱ្យរងរបួសធ្លាយភ្លៅម្ខាង សន្លប់ស្តូកស្តឹងតែម្តង ក្រោយពេលកើតហេតុ ជនរងគ្រោះបានត្រូវបានក្រុមគ្រួសារដឹកមកសង្រ្គោះនៅមន្ទីរពេទ្យខេត្ត ចំណែកមធ្យោបាយត្រូវបានយកទៅរក្សាទុកនៅអធិការដ្ឋាននគរបាលស្រុកកំពង់លែង ដើម្បីរង់ចាំអនុវត្តតាមនីតិវិធី ៕
ដោយ ៖ ចន្ថា
