ឃាត់ខ្លួនជនសង្ស័យ២នាក់ពាក់ព័ន្ធនឹងករណីគ្រឿងញៀនដកហូតបានកាំភ្លើងខ្លីមួយដើម

ខេត្តកំពង់ស្ពឺ ៖ កាលពីថ្ងៃទី២ ខែកក្កដា ឆ្នាំ២០២១ វេលាម៉ោង ២៣:០០នាទី នៅចំណុចភូមិព្រៃពាយ ឃុំទួលអំពិល កម្លាំងអធិការដ្ឋាននគរបាលស្រុកបសេដ្ឋ បានបង្ក្រាបមុខសញ្ញាសង្ស័យពាក់ព័ន្ធនឹងគ្រឿងញៀនបាន ២នាក់ ៖

១-ឈ្មោះ សាយ ហួត ភេទ ប្រុស អាយុ ៣៧ឆ្នាំ នៅភូមិត្រពាំងខ្យង ឃុំទួលអំពិល ស្រុកបសេដ្ឋ។

២-ឈ្មោះ ហោ គា ភេទ ប្រុស អាយុ ៣៤ឆ្នាំ នៅភូមិត្រពាំងប្រិយ៍ ឃុំសឹង្គ ស្រុកសំរោង ខេត្តតាកែវ។

ក្រោយពីឃាត់ខ្លួនសមត្ថកិច្ចបានដកហូតម្សៅក្រាមពណ៌សថ្លាសង្ស័យជាគ្រឿងញៀន ៣កញ្ចប់ (១មធ្យម និង ២ធំ) ម៉ូតូ១គ្រឿង និង កាំភ្លើងខ្លី K-54 ១ដើម , បង់ ១ និង គ្រាប់ ១១គ្រាប់។

 បច្ចុប្បន្នជនសង្ស័យព្រមទាំងវត្ថុតាងត្រូវបានបញ្ជូនមកការិយាល័យជំនាញ ដើម្បីកសាងសំណុំរឿងបញ្ជូនទៅកាន់តុលាការ ចាត់ការតាមនីតិវិធី ៕

ដោយ៖ ស សម