សមត្ថកិច្ចនគរបាលខណ្ឌឬស្សីកែវឃាត់ខ្លួនជនសង្ស័យម្នាក់ពាក់ព័ន្ធករណីគ្រឿងញៀនដកហូតថ្នាំញៀន៩កញ្ចប់

ភ្នំពេញ៖ សមត្ថកិច្ចនគរបាលខណ្ឌឬស្សីកែវឃាត់ខ្លួនជនសង្ស័យម្នាក់ពាក់ព័ន្ធករណីគ្រឿងញៀន កាលពីម៉ោង ១២រសៀល ថ្ងៃទី០១ខែធ្នូ ឆ្នាំ២០២១ នៅចណុចមាត់ទន្លេ ក្រុម៣ភូមិ១ សង្កាត់ច្រាំងចំរេះ១ ខណ្ឌឫស្សីកែវ រាជធានីភ្នំពេញ។

លោក ហ៊ាង ថារ៉េត អធិការនគរបាលខណ្ឌឬស្សីកែវបានឲ្យដឹងថា ជនសង្ស័យមានឈ្មោះ កូប រ៉ូនី អាយុ ៣៦ឆ្នាំ ជនជាតិ ខ្មែរអ៊ិស្លាមមានទីលំនៅផ្ទះលេខ៦៦៣ ក្រុម១ ភូមិ១ សង្កាត់ច្រាំងចំរេះ១ ខណ្ឌឬស្សីកែវ រាជធានីភ្នំពេញ មុខរបរ មិនពិតប្រាកដ ។                                                                                                                សម្ភារ:ដកហូតរួមមានក្រាមពណ៌សថ្លាសង្ស័យជាគ្រឿងញៀន ចំនួន ០៩កញ្ចប់ ទូរស័ព្ទចំនួន០២គ្រឿង មួយគ្រឿងម៉ាកណូគាNOkia ពណ៌មាសស៊េរីចាស់ មួយគ្រឿងទៀតម៉ាកអាយហ្វូនហ្វាយអេស ពណ៌ទឹកប្រាក់ ។

បច្ចុប្បន្នជនសង្ស័យនិងវត្ថុតាង កំពុងឃាត់ខ្លួនបណ្តោះអាសន្ននៅអធិការដ្ឋាននគរបាលខណ្ឌឬស្សីកែវ ដើម្បីកសាងសំណុំរឿងបញ្ជូនទៅសាលាដំបូងរាជធានីភ្នំពេញអនុវត្តទៅតាមនីតិវិធី៕

ដោយ៖ជ្រោយពេជ្រ