សារព័ត៌មាន នគរវត្ត តែងតែនាំមុខគេជានិច្ច
ក្លិប Leeds United គ្រោងនឹងតែងតាំងអតីតគ្រូបង្វឹកក្លិប RB Leipzig លោក Jesse Marsch ជាគ្រូបង្វឹកថ្មីរបស់ក្លិបនៅលីគកំពូលអង់គ្លេសមួយនេះ។
បុរសសញ្ជាតិអាមេរិករូបនេះដែលធ្លាប់បង្វឹកក្រុម New York Red Bulls និងក្រុម Red Bull Salzburg បានចាកចេញពីក្លិបអាល្លឺម៉ង់កាលពីខែធ្នូឆ្នាំមុន បន្ទាប់ពីសម្រាករយៈពេល៥ខែ។
បុរសវ័យ៤៨ឆ្នាំរូបនេះនឹងជំនួសតំណែងលោក Marcelo Bielsa ដែលត្រូវបានបណ្តេញចេញកាលពីថ្ងៃអាទិត្យនៅពេលដែលលិខិតអនុញ្ញាតការងារត្រូវបានបញ្ចប់។
ក្លិប Leeds កំពុងឈរនៅលេខរៀងទី១៦ក្នុងតារាង Premier League ដែលមាន២ពិន្ទុពីលើតំបន់កាត់ចោល បន្ទាប់ពីរងបរាជ័យយ៉ាងធ្ងន់ធ្ងរ។
បន្ទាប់ពីចាកចេញពីលីគកំពូលអាមេរិក Major League Soccer នៅក្លិបNew York Red Bulls ក្នុងឆ្នាំ២០១៨ លោក Marsch បានចូលរួមជាមួយក្លិប RB Leipzig ជាជំនួយការរបស់លោក Ralf Rangnick មុនពេលត្រូវបានតែងតាំងនៅក្រុម RB Salzburg ក្នុងខែមិថុនា ឆ្នាំ២០១៩។
គាត់រីករាយនឹងការជោគជ័យក្នុងការឈ្នះពានលីគក្នុងរដូវកាលដំបូងរបស់គាត់ក្នុងក្រុម Salzburg។ គាត់ក៏ជាផ្នែកមួយនៃការអភិវឌ្ឍន៍របស់ខ្សែប្រយុទ្ធ Erling Haaland មុនពេលខ្សែប្រយុទ្ធន័រវេសរូបនេះបានចូលរួមជាមួយក្លិប Borussia Dortmund ក្នុងឆ្នាំ២០១៩។
បន្ទាប់មកគាត់បានត្រឡប់ទៅក្លិប Leipzig ក្នុងខែមេសាឆ្នាំមុន ដែលលើកនេះធ្វើជាគ្រូបង្វឹកនៅពេលគាត់ចូលកាន់តំណែងជំនួសលោក Julian Nagelsmann ដែលបានចាកចេញទៅគ្រប់គ្រងក្លិប Bayern Munich។លោក Marsch ដែលត្រូវបានគេភ្ជាប់ជាមួយនឹងតំណែងជាអ្នកគ្រប់គ្រងនៅក្រុម Celtic ផងដែរកាលពីមុនដែលចង់ឲ្យគាត់ទៅដឹកនាំក្រុមលីគកំពូលនៅប្រទេសស្កុតឡែនមួយនេះ ៕
ដោយ៖ ភារៈ(រូបភាព ៖ BBC Sport)
