សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ រថយន្តម៉ាក Toyota កាមរីហាយប្រ៊ីដ បានបេីកបត់ត្រឡប់មិនប្រយ័ត្ន ក៏ត្រូវរថយន្តម៉ាក ហុីយ៉ានដាយ ដឹកទំនិញធុនតូចបុកពីចំហៀងពេញទំហឹងបណ្ដាលឲ្យរងការខូចខាតយ៉ាងដំណំ កាលពីវេលាម៉ោង១១ និង៥០នាទីយប់ ថ្ងៃទី១៥ ខែមីនា ឆ្នាំ២០២២ស្ថិតនៅចំណុចមុខដេប៉ូបូមខ្សាច់មួយ តាមបណ្ដោយផ្លូវជាតិលេខ២ ក្នុងសង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ ។
តាមប្រភពព័ត៌មានពីកន្លែងកេីតហេតុបានឲ្យដឹងថា ដំបូងគេឃេីញរថយន្តម៉ាក Toyota កាមរីហាយប្រ៊ីដ ពណ៌ប្រផេះ ពាក់ផ្លាកលេខភ្នំពេញ 2AM -2115 បានបេីកចេញពីលេីខឿនផ្លូវខាងស្ដាំ រួចមកកណ្ដាលទ្រូងផ្លូវបំណងបត់ត្រឡប់ក្រោយ ខណៈនោះស្រាប់តែមានរថយន្តម៉ាក ហុីយ៉ាន់ដាយ ពណ៌ស ពាក់ផ្លាកលេខភ្នំពេញ 2BA -9069 ធ្វេីដំណេីរតាមបណ្ដោយផ្លូវជាតិលេខ២ ក្នុងល្បឿនលឿនល្មម រួចក៏បុករថយន្តកាមរីហាយប្រ៊ីដ ចំពីហៀងពេញទំហឹង បណ្ដាលឲ្យរថយន្តកាមរីហាយប្រ៊ីដខូចខាតច្រេីនជាងរថយន្តហុីយ៉ាន់ដាយ តែក្នុងហេតុការណ៍នេះមិនបណ្ដាលឲ្យមនុស្សណាម្នាក់រងរបួសនោះឡេីយ ។
ក្រោយកេីតហេតុ សមត្ថកិច្ចមូលដ្ឋានបានចុះទៅដល់ និងទាក់ទងបន្តទៅសមត្ថកិច្ចជំនាញចរាចរណ៍ខណ្ឌមានជ័យដេីម្បីធ្វេីការវាស់វែង តែដោយសមត្ថកិច្ចធ្វេីការសម្របសម្រួលដល់ភាគីទាំងពីរ ទេីបភាគីខាងរថយន្តម៉ាក កាមរីហាយប្រ៊ីដ ព្រមសងថ្លៃខូចខាតទៅឲ្យភាគីរថយន្តហុីយ៉ាន់ដាយ ចំនួន១០០$ បញ្ចប់រឿងនៅនឹងកន្លែងកេីតហេតុ ៕
ដោយ ៖ ភារ៉ា ដង្កោ
