សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រថយន្តធុនធំបានបេីកបត់ហើយកៀររថយន្តស្តារិចមួយគ្រឿងបណ្តាលឱ្យរងការខូចខាតនិងស្ទះចរាចរណ៍យ៉ាងខ្លាំង។
ហេតុការណ៍នេះបានកេីតឡេីងកាលពីវេលាម៉ោង៤និង៤០នាទីរសៀលថ្ងៃទី៣១ ខែមីនា ឆ្នាំ២០២២ នៅចំណុចច្រកចូលសាលារៀនសុវណ្ណភូមិ តាមបណ្តោយផ្លូវជាតិលេខ៤ កែងផ្លូវបេតុងក្នុងភូមិថ្នល់បំបែក សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។
តាមប្រភពព័ត៌មានពីកន្លែងកេីតហេតុបានឱ្យដឹងថា មុនពេលកេីតហេតុមានរថយន្តហ៊ីយ៉ាន់ដាយ ពណ៌ស ពាក់ស្លាកលេខត្បូងឃ្មុំ 3A-0472 ធ្វេីដំណេីរតាមបណ្តោយផ្លូវជាតិលេខ៤ ក្នុងទិសដៅពីលិចទៅកេីត ខណៈមកដល់ចំណុចកេីតហេតុក៏បានបត់ឆ្វេងបំណងចូលទៅផ្លូវបេតុង ប៉ុន្តែភ្លាមនោះស្រាប់តែកៀររថយន្តម៉ាកស្តារិចពណ៌ខ្មៅ ពាក់ស្លាកលេខព្រះសីហនុ 2A-8316 ដែលធ្វេីដំណើរស្របទិសគ្នាបណ្តាលឱ្យរងការខូចខាតគាបជាប់គ្នា និងបណ្តាលឱ្យស្ទះចរាចរណ៍យ៉ាងខ្លាំង។
ក្រោយកេីតហេតុសមត្ថកិច្ចមូលដ្ឋានបានចុះមកដល់ចំណុចកេីតហេតុនិងគូសចំណាំយករថយន្តទាំង២គ្រឿងទៅអែបខាងដេីម្បីឱ្យសម្រួលគ្នា៕
ដោយ៖សុខាសែនជ័យ
