សារព័ត៌មាន នគរវត្ត តែងតែនាំមុខគេជានិច្ច
ខេត្តបាត់ដំបង ៖ យោងតាមរបាយការណ៍របស់មន្ត្រីជំនាញបានឲ្យដឹងថា÷កាលពីថ្ងៃ ចន្ទ ៣កេីតខែចេត្រឆ្នាំឆ្លូវត្រីស័កព.ស.២៥៦៥ ត្រូវនឹងថ្ងៃទី ០៤ខែ មេសា ឆ្នាំ២០២២ វេលាម៉ោង១៣និង១០នាទីនៅចំណុចក្រុមទី៥ភូមិព្រៃធំ ឃុំកំពង់ល្ពៅ ស្រុកសំឡូត ខេត្តបាត់ដំបង អនុវត្តតាមយោបល់ដឹកនាំរបស់លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង រួមនឹងយោបល់លោកឧត្តមសេនីយ៍ត្រី កុយ ហៀង ស្នងការរងផែនការងារប្រឆាំងគ្រឿងញៀន លោកវរសេនីយ៍ទោ ម៉ែន រីម អធិការនគរបាលស្រុក បានដឹកនាំកម្លាំងផ្នែកប្រឆាំងគ្រឿងញៀន រួមជាមួយកម្លាំងប៉ុស្តិ៍នគរបាលរដ្ឋបាលកំពង់ល្ពៅ នៃអធិការដ្ឋាននគរបាលស្រុកសំឡូត ចុះប្រតិបត្តិការបង្រ្កាបករណីរក្សាទុកដោយខុសច្បាប់នូវសារធាតុ០១ករណី ក្នុងបទល្មើសជាក់ស្តែង នឹងបានឃាត់ខ្លួនជនសង្ស័យបានចំនួន ០១ នាក់ឈ្មោះ ឈឹម ឧត្តម ភេទ ប្រុស អាយុ១៧ ឆ្នាំ ស្នាក់នៅនៅភូមិ ព្រៃធំ ឃុំកំពុងល្ពៅស្រុកសំឡូត ខេត្តបាត់ដំបង។
-វត្ថុតាងចាប់យកបានរួមមាន៖
-ម្សៅក្រាមពណ៌សថ្លាច្រកក្នុងកូនថង់ប្លាស្ទិកពណ៌សថ្លា ចំនួន ០៥ ថង់ទម្ងន់៩,៦៧ក្រាម(ទាំងសំបក)សង្ស័យមានសារធាតុញៀន
-ថង់សម្រាប់រំលែកថ្នាំញៀនលក់និងសម្ភារៈសម្រាប់ប្រើប្រាស់មួយចំនួន។
-ទូរស័ព្ទដៃចំនួន ០១ គ្រឿង (ចាស់)
ករណីខាងលើនេះអធិការនគរបាលស្រុកបានរៀបចំកសាងសំណុំរឿង និង បញ្ជូនមកការិយាល័យជំនាញនៅស្នងការដ្ឋាននគរបាលខេត្តបាត់ដំបងដើម្បីចាត់ការតាមផ្លូវច្បាប់៕
ដោយ៖ស សារ៉េត
