សារព័ត៌មាន នគរវត្ត តែងតែនាំមុខគេជានិច្ច
ខេត្តក្រចេះ ៖ ផ្សារភ្ជាប់ជាមួយនឹងពិធីសំណេះសំណាលនារសៀលនេះ សមាជិក សមាជិកា ស.ស.យ.ក. ខេត្តក្រចេះក៏បានទទួលអគារស្នាក់ការថ្មីដែលអាគារនេះបានចាប់ផ្តើមការសាងសង់ចាប់ពីថ្ងៃទី៧ ខែតុលា ឆ្នាំ២០២០ និងបានបញ្ចប់ការសាងសង់នៅថ្ងៃទី៧ ខែមេសា ឆ្នាំ២០២១ ដោយបានចំណាយថវិកាប្រមាណជិត ៨ម៉ឺន (៧៩.៨១០$)ដុល្លារសហរដ្ឋអាមេរិក។
ដូចអ្វីដែលលោកប្រធានបានលើកឡើងថា ការជួបជុំគ្នានៅថ្ងៃនេះ មិនត្រឹមតែជាការអបអរសាទរនូវសមិទ្ធផលថ្មីតែប៉ុណ្ណោះទេ តែជាការកោតសរសើរ នូវកិច្ចខិតខំប្រឹងប្រែង និងការរួមចំណែកសំខាន់នូវសកម្មភាពសង្គម មនុស្សធម៌ ក៏ដូចជាលើកកម្ពស់កិត្យានុភាពរបស់ស.ស.យ.ក ទាំងក្នុង និងក្រៅប្រទេស។ សកម្មភាព ឬបេសកកម្មទាំងអស់នោះ ជាការហ៊ានលះបង់ដ៏ធំធេងដើម្បីប្រទេសជាតិ និងប្រជាជន ទោះបីជាយើងមានការងារស្នូលរៀងៗខ្លួនក្តី។ បើប្រទេសជាតិស្ថិតក្នុងកាលៈទេសៈពិបាកណាមួយ យើងនៅតែបន្តចូលរួមជាមួយគ្នាដើម្បីដោះស្រាយបញ្ហាជាមួយគ្នា ៕
ដោយ ៖ សិលា
