សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសពីរនាក់ជិះម៉ូតូមួយគ្រឿងរេចង្កូតចូលទៅគន្លងផ្លូវម្ខាងទៀត ហើយជ្រុលទៅបុករថយន្តហាយឡេនឌ័រ ពេញទំហឹងបណ្ដាលឱ្យរងរបួសធ្ងន់២នាក់ ត្រូវបានរថយន្តសាមុយដឹកយកទៅសង្គ្រោះនៅមន្ទីរពេទ្យភ្លាមៗ ។ ហេតុការណ៍នេះបានកេីតឡេីងនៅវេលាម៉ោង ៩ និង១០នាទីយប់ថ្ងៃអាទិត្យ ទី១០ ខែមេសា ឆ្នាំ២០២២ តាមបណ្ដោយផ្លូវ ៦០ម៉ែត្រ ត្រង់ចំណុចមុខបុរីប៉េងហួត ស្ថិតក្នុងសង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ ។
តាមប្រភពព័ត៌មាននៅកន្លែងកើតហេតុបានឱ្យដឹងថា ដំបូងឡេីយគេបានឃេីញ បុរសពីរនាក់ជិះម៉ូតូមួយគ្រឿងម៉ាក ហុងដាឌ្រីម សេ១២៥ ពណ៍ខ្មៅ ស៊េរីឆ្នាំ ២០២២ ពាក់ស្លាកលេខ កណ្ដាល 1AL-3966 ធ្វេីដំណេីរពីជេីងទៅត្បូង ក្នុងល្បឿនលឿន លុះមកដល់ចំណុចកេីតហេតុខាងលេីស្រាប់តែរេចង្កូតចូលទៅគន្លងផ្លូវម្ខាងទៀតជ្រុលទៅបុករថយន្ត ម៉ាកហាយឡេនឌ័រ ពណ៌ស ពាក់ស្លាកលេខ ភ្នំពេញ 2BD-0970 ដែលកំពុងធ្វេីដំណេីរបញ្ច្រាសទិសគ្នាចំពីមុខចំហៀងខាងឆ្វេងពេញទំហឹង បណ្ដាលឱ្យអ្នកជិះម៉ូតូរងរបួសធ្ងន់ធ្ងរទាំងពីរនាក់ត្រូវបានរថយន្តសាមុយដឹកយកទៅសង្គ្រោះនៅមន្ទីរពេទ្យភ្លាមៗ ។ រីឯរថយន្តដាច់កាឡេកង់ខាងឆ្វេងទៅមុខលែងរួច ចំណែកម៉ូតូ រងការខូចខាតផ្នែកខាងមុខយ៉ាងដំណំ ។
ភ្លាមៗនោះតៃកុងរថយន្តបានបេីកទ្វាររថយន្តរត់គេចខ្លួនបាត់ស្រមោលទៅ។
ក្រោយពេលកេីតហេតុ សមត្ថកិច្ចមូលដ្ឋានបានចុះមកដល់ ហើយក៏បានទាក់ទងទៅខាងជំនាញឱ្យចុះមកវាស់វែង យករថយន្តនិងម៉ូតូទៅរក្សាទុកនៅ ការិយាល័យចរាចរណ៍រាជធានីភ្នំពេញ រង់ចាំដោះស្រាយគ្នាពេលក្រោយ ៕
ដោយ ៖ ភារ៉ា ដង្កោ
