សារព័ត៌មាន នគរវត្ត តែងតែនាំមុខគេជានិច្ច
ខេត្តក្រចេះ ៖ ស្ត្រីម្នាក់បានស្លាប់ភ្លាមៗគ្មានអ្នកជួយសង្គ្រោះ ខណៈជិះម៉ូតូដួលដោយខ្លួនឯងនៅយប់ថ្ងៃទី១១ ខែឧសភា ឆ្នាំ២០២២ លុះព្រឹកឡើងថ្ងៃទី១២ ខែឧសភា ឆ្នាំ២០២២ វេលាម៉ោង ៩:៤០នាទី ទើបកម្លាំងជំនាញនគរបាលព្រហ្មទណ្ឌ និងកម្លាំងនគបាលយុត្តិធម៌ស្រុកសំបូរ សហការជាមួយនឹងកម្លាំងនគរបាលជំនាញចរាចរណ៍ស្រុកចុះពិនិត្យកន្លែងកេីតហេតុ។
សមត្ថកិច្ចបានបញ្ជាក់ឱ្យដឹងថា សាកសពជនរងគ្រោះនេះកាលពីយប់ថ្ងៃទី១១ ខែឧសភា ឆ្នាំ២០២២ វេលាម៉ោង២២:២០នាទីបានជួបគ្រោះថ្នាក់ចរាចរណ៍បង្កដោយខ្លួនឯងបណ្តាលឱ្យស្លាប់។ បច្ចុប្បន្នជនរងគ្រោះនៅពុំទាន់ស្គាល់អត្តសញ្ញាណនៅឡើយ។
សាកសពជនរងគ្រោះត្រូវបានសមត្ថកិច្ចយេីងយកមកតម្កល់នៅក្នុងវត្តភ្នំខៀវស្ថិតក្នុងភូមិភ្នំខៀវ ឃុំអូរកណ្តៀរសែនជ័យ ស្រុកសំបូរ ខេត្តក្រចេះដេីម្បីធ្វេីការស្រាវជ្រាវរកក្រុមគ្រួសារនិងសាច់ញាតិជនរងគ្រោះ។
សមត្ថកិច្ចនគរបាលចរាចរណ៍ផ្លូវគោក ក៏បានសុំការអនុញ្ញាតពីលោកព្រះរាជអាជ្ញាអមសាលាដំបូង ខេត្តក្រចេះ ដេីម្បីអនុញ្ញាតយកសាកសពទៅបូជា តាមព្រះពុទ្ធសាសនា ព្រោះសាកសពមានសភាពធុំក្លិនស្អុយមិនអាចរក្សាទុកបានយូរឡើយ៕
ដោយ៖មាស សុផាត
