សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ក្មេងស្រីសិស្សសាលាម្នាក់បានរងរបួសធ្ងន់ត្រូវបានបញ្ជូនទៅសង្គ្រោះភ្លាមៗខណៈជិះម៉ូតូចេញពីសាលាត្រូវរថយន្តកុងតឺន័របេីកបុកកិនម៉ូតូកាលពីវេលាម៉ោង២និង៣០នាទីរសៀលថ្ងៃទី១៧ ខែឧសភា ឆ្នាំ២០២២ នៅចំណុចស្តុបសាលាជម្ពូវ័ន តាមបណ្តោយផ្លូវជាតិលេខ៤ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។
តាមសាក្សីបានឲ្យដឹងថា មុនពេលកេីតហេតុគេបានឃេីញក្មេងស្រីសិស្សសាលា ម្នាក់ជិះម៉ូតូម៉ាកហុងដាឌ្រីម ពណ៌ខ្មៅ ពាក់ស្លាកលេខភ្នំពេញ1GF 8955 ធ្វេីដំណេីរតាមបណ្តោយផ្លូវជាតិលេខ៤ ក្នុងទិសដៅពីលិចទៅកេីត(បញ្ច្រាសទិស)ខណៈមកដល់ចំណុចកេីតហេតុក៏ឆ្លងស្តុបភ្លាមនោះស្រាប់តែរថយន្តកុងតឺន័រពណ៌សឆ្នូតក្រហម ពាក់ស្លាកលេខភ្នំពេញ3F 0559 ធ្វេីដំណេីរតាមបណ្តោយផ្លូវបេតុងឆ្លងផ្លូវក៏ជ្រុលបុកម៉ូតូនិងកិនបណ្តាលឲ្យក្មេងស្រីសិស្សសាលារងរបួសធ្ងន់ត្រូវបានរថយន្តសង្គ្រោះដឹកទៅមន្ទីរពេទ្យភ្លាមៗ។
ក្រោយកេីតហេតុសមត្ថកិច្ចចុះទៅដល់ចំណុចកេីតហេតុធ្វេីការវាស់វែងយករថយន្តនិងម៉ូតូទៅរក្សាទុករង់ចាំដោះស្រាយពេលក្រោយ៕
ដោយ៖សុខាសែនជ័យ
