សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យម្នាក់ត្រូវបានជនរងគ្រោះឃាត់ខ្លួនប្រគល់ជូនសមត្ថកិច្ចជាប់ពាក់ព័ន្ធករណីលួចយកម៉ូតូរួចគេចខ្លួនរយៈពេលចំនួន៣ថ្ងៃកន្លងទៅ។
ការឃាត់ខ្លួនជនសង្ស័យខាងលេីបានធ្វេីឡេីងកាលពីវេលាម៉ោង២១ ថ្ងៃទី២៤ ខែឧសភា ឆ្នាំ២០២២ នៅតាមបណ្តោយមហាវិថីចោមចៅ ស្ថិតក្នុងសង្កាត់ចោមចៅទី២ ខណ្ឌពោធិ៍សែនជ័យ ។
ជនសង្ស័យឈ្មោះ គុជ ដេវីត ភេទប្រុសអាយុ២៧ឆ្នាំ មុខរបរមិនពិតប្រាកដ ស្នាក់នៅភូមិត្រពាំងថ្លឹង១ សង្កាត់ចោមចៅទី១ ខណ្ឌពោធិ៍សែនជ័យ ។
ចំណែកជនរងគ្រោះឈ្មោះ ហេង សុខហ័ន ភេទស្រីអាយុ២៤ឆ្នាំ មុខរបរលក់ដូរ ស្នាក់ភូមិសាមគ្គី សង្កាត់ឬស្សីកែវ ខណ្ឌឬស្សីកែវ។
តាមរបាយការណ៍សមត្ថកិច្ចបានឱ្យដឹងថា នៅយប់ថ្ងៃទី២១ ខែឧសភា ឆ្នាំ២០២២ ជនរងគ្រោះនិងបងប្អូន២នាក់ទៀតបានយកម៉ូតូបងថ្លៃរបស់ខ្លួនទៅចូលរួចខួបកំណេីតបងប្អូននៅភូមិថ្មគោល៣ សង្កាត់ចោមចៅទី២ ខណ្ឌពោធិ៍សែនជ័យ លុះចប់កម្មវិធីក៏នាំគ្នាមកគេងនៅផ្ទះសំណាក់យីហោ ចន្ថាអង្គរ លុះព្រឹកឡេីងជនរងគ្រោះមកយកម៉ូតូបែជាមិនឃេីញទេីបឱ្យម្ចាស់ផ្ទះសំណាក់សុំឆែកកាមេរ៉ាសុវត្តិភាពឃេីញជនសង្ស័យដែលស្គាល់គ្នា បន្ទាប់មកជនរងគ្រោះទៅដាក់ពាក្យបណ្តឹងនៅប៉ុស្តិ៍នគរបាលចោមចៅទី២ ដេីម្បីសុំការអន្តរាគមន៍។
ប្រភពដដែលបានបន្តថា លុះមកដល់វេលាម៉ោង២១យប់ ថ្ងៃទី២៤ ខែឧសភា ឆ្នាំ២០២២ ទេីបជនរងគ្រោះប្រទះឃេីញជនសង្ស័យក៏ចាប់ខ្លួនប្រគល់ជូនសមត្ថកិច្ចតែម្តង៕
ដោយ៖សុខាសែនជ័យ
