សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ឆ្នាំង៖ លោក ហេង រតនា ប្រតិភូរាជរដ្ឋាភិបាលទទួលបន្ទុកជាអគ្គនាយកមជ្ឈមណ្ឌលសកម្មភាពកម្ចាត់មីនកម្ពុជា (ស៉ីម៉ាក់) បានថ្លែងឱ្យដឹងនៅលេីបណ្ដាញសង្គមហ្វេសប៊ុកផ្ទាល់ខ្លួន នៅព្រឹកថ្ងៃអង្គារទី១៤ ខែមិថុនា ឆ្នាំ២០២២នេះថា៖ នៅវិទ្យាស្ថានបច្ចេកទេសសកម្មភាពមីន ខេត្តកំពង់ឆ្នាំង លោកបានចូលរួចជាអធិបតីក្នុងពិធីបើកវគ្គហ្វឹកហ្វឺនជំនាញកម្ទេចគ្រាប់យុទ្ធភណ្ឌមិនទាន់ផ្ទុះកម្រិត៣ ដែលវគ្គហ្វឹកហ្វឺននេះមានសិក្ខាកាមជាអ្នកជំនាញដោះមីន មកពីអង្គការដោះមីនCSHD មន្រ្តីជំនាញអង្គភាពCMAC និងមន្ត្រីនគរបាលផងដែរ។
សូមជម្រាបថា វគ្គហ្វឹកហ្វឺននេះមានរយ:ពេលចំនួន៤០ថ្ងៃ ចាប់ពីថ្ងៃទី១៣ ខែមិថុនា ដល់ថ្ងៃទី២២ ខែកក្កដា ឆ្នាំ២០២២។
លោក ហេង រតនា បានថ្លែងបន្តថា ឆ្លៀតក្នុងឱកាសនេះ ក៏សូមអរគុណថ្នាក់ដឹកនាំអង្គការCSHD ដែលស្នេីសុំឱ្យអង្គភាពសុីម៉ាក់ជួយពង្រឹងសមត្ថភាពអ្នកជំនាញរបស់ខ្លួន ដេីម្បីបង្កេីនសុវត្ថិភាពនិងប្រសិទ្ធភាពក្នុងកិច្ចប្រតិបត្តិការរបស់ខ្លួន៕
ដោយ៖សហការី
