ក្បួនទម្រង់ការ” អាពាហ៍ពិពាហ៍”(តពីលេខមុន)

ចែករំលែក៖

(តពីលេខមុន)

ជំនួយគ្រឿងបណ្តាការ:

ចំនួនគ្រឿងបណ្តាការឯទៀតដែលនឹងពោលទៅនេះ គឺគប្បីជ្រាបថា ជារបៀបដែលគេកំណត់ប្រើក្នុងសម័យព្រេងនាយឯណោះសព្វថ្ងៃអ្នកនៅនគរ មិនបានជាកាន់យកតាមកំណត់នេះទាំងអស់ទេ ដោយយកខ្លះ មិនយកខ្លះព្រោះកាលៈទេសៈប្រែប្រួលទៅមានរបៀបរបស់ថ្មីផ្សេងៗកើតឡើង គេក៏ប្រើរបស់ថ្មីជាជំនួសរបស់ចាស់នោះក៏មាន គេលះបង់ចោលតែម្ដង ដោយមិនមានប្រើរបស់ជំនួសក៏មានដូចជាយ៉ាង អំបិល ប្រហុក ជាដើម គេឈប់បង្គាប់ គេបង្គាប់ទឹកត្រីជំនួសក៏មាន មិនបង្គាប់សោះក៏មាន ត្រីស្រស់ ត្រីងៀត ត្រីឆ្អើរ គេក៏ឈប់បង្គាប់ដែរ គេបង្គាប់សាច់ជ្រូកជំនួសក្នុងការមួយ ប្រើសាច់ជ្រូកទម្ងន់តាំងពី១ហាបឡើងទៅរហូតដល់២ហាប តាមការតូច ការធំ ការដែលធំមែនទែនជួនកាលមានសាច់គោទៀតផង។របស់ក្រៅពីនេះគេអាចបន្ថយឱ្យនៅតិចចុះក៏បាន និងបង្កើនឡើងលើសកំណត់នោះក៏បាន តាមរូបការតូច ការធំ ។

ខ).គ្រឿងបណ្តាការស្លាកំណត់:

(លោកថាត្រូវឱ្យបង្គាប់ឱ្យថយចុះពីបណ្ដាការការធំកណ្ដាល)គឺ:

១.ស្លា ១០០ ដៃ

២.ម្លូ ៥០០ ត្របក

៣.ថ្នាំ ២ នាឡិកន្លះ

៤.ស្លាជ្វា ៨ សម្លឹង

៥.កំបោរ ១តុម្ព

៦.អង្ករខ្សាយ ១ថាំង

៧.អង្កដំណើប ១ តៅ

៨.ត្រីស្រស់ ៣ ស្នែង១ពុន

៩.ត្រីងៀត ៧ រាយ

១០.ត្រីឆ្អើរ ៧ រាយ