សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យម្នាក់បានធ្វេីសកម្មភាពឆក់យកទូរស័ព្ទពីនារីម្នាក់ដែលកំពុងអង្គុយចុចនៅលេីម៉ូតូបានសម្រេចហេីយក៏ព្យាយាមជិះម៉ូតូគេចខ្លួន តែជ្រុលទៅបុកម៉ូតូរបស់បងជនរងគ្រោះដួលត្រូវជនរងគ្រោះចាប់ប្រគល់ឱ្យសមត្ថកិច្ច កាលពីវេលាម៉ោង៣និង៣០នាទីរសៀល ថ្ងៃទី០៤ ខែកក្កដា ឆ្នាំ២០២២ នៅចំណុចផ្លូវបេតុង ក្នុងភូមិគោកចំបក់ សង្កាត់ចោមចៅទី១ ខណ្ឌពោធិ៍សែនជ័យ ។
ជនសង្ស័យឈ្មោះសិទ្ធ ថានិន ភេទប្រុស អាយុ១៨ឆ្នាំ មុខរបរមិនពិតប្រាកដ ស្នាក់នៅភូមិទ្រុងមាន់ សង្កាត់អូរបែកក្អម ខណ្ឌសែនសុខ ។
ចំណែកជនរងគ្រោះឈ្មោះជា ទេពសុធីណា ភេទស្រី អាយុ៣១ឆ្នាំ មុខរបរបុគ្គលិកដឹកជញ្ជូន ស្នាក់នៅភូមិទ្រា៤ សង្កាត់ស្ទឹងមានជ័យ៣ ខណ្ឌមានជ័យ។
តាមរបាយការណ៍របស់សមត្ថកិច្ចបានឱ្យដឹងថា មុនពេលកេីតហេតុជនរងគ្រោះកំពុងអង្គុយចុចទូរស័ព្ទម៉ាក IPhone 7នៅលេីម៉ូតូ។បន្ទាប់មកស្រាប់តែមានជនសង្ស័យម្នាក់ជិះម៉ូតូម៉ាកស្គូពី ពណ៌ស ពាក់ស្លាកលេខកំពង់ចាម1J-9553 មកក្បែរជនរងគ្រោះហើយឆក់យកទូរស័ព្ទរបស់ជនរងគ្រោះបានសម្រេច រួចព្យាយាមជិះម៉ូតូគេចខ្លួនបានប្រហែលជាង១០ម៉ែត្រក៏ជ្រុលទៅបុកម៉ូតូបងប្រុសរបស់ជនរងគ្រោះបណ្តាលឱ្យដួល។ ភ្លាមៗនោះជនរងគ្រោះរួមទាំងបងប្រុសបានឃាត់ខ្លួនជនសង្ស័យបានតែម្តង រួចប្រគល់ជូនសមត្ថកិច្ចយកទៅចាត់ការតាមច្បាប់៕
ដោយ៖សុខាសែនជ័យ
