ឆេះផ្ទះប្រជាពលរដ្ឋមួយកន្លែងបង្កការភ្ញាក់ផ្អើលយ៉ាងខ្លាំងដល់កម្លាំងសមត្ថកិច្ច ចុះធ្វើអន្តរាគមន៍

     ភ្នំពេញ ៖ មានករណីអគ្គិភ័យមួយបានឆាបឆេះផ្ទះប្រជាពលរដ្ឋនៅជាន់ទី២បង្កការភ្ញាក់ផ្អើលយ៉ាងខ្លាំងដល់កម្លាំងសមត្ថកិច្ចចុះមកធ្វើអន្តរាគមន៍ភ្លាមៗនៅវេលាម៉ោង១និង៥៥នាទីរសៀលថ្ងៃទី២៥ ខែកក្កដា ឆ្នាំ២០២២នេះ ស្ថិតនៅតាមបណ្តោយផ្លូវបេតុង ក្នុងសង្កាត់ស្ទឹងមានជ័យទី២ ខណ្ឌមានជ័យ រាជធានីភ្នំពេញ។  ខណៈនោះដែរ មានរថយន្តពន្លត់អគ្គិភ័យបានចុះមកដល់ចំនួន ១គ្រឿង ហើយបានបាញ់ទឹកពន្លត់រហូតដល់រលត់ជាស្ថាពរ។

     សូមបញ្ជាក់ថា ក្នុងគ្រោះអគ្គិភ័យនេះ សម្ភារៈដែលខូចខាតមានដូចជា គ្រែពូក និងសម្ភារប្រើប្រាស់មួយចំនួនទៀត ដោយមិនបណ្ដាលឱ្យមានមនុស្សរងរបួស និងឆេះរាលដាលដល់ផ្ទះអ្នកជិតខាងនោះឡើយ៕

ដោយ ៖ ភារ៉ា ដង្កោ