សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យម្នាក់ក្នុងចំណោមបក្ខពួក២នាក់ត្រូវបានសមត្ថកិច្ចឃាត់ខ្លួនយកទៅសួរនាំក្រោយពីលួចចូលផ្ទះប្រជាពលរដ្ឋមួយកន្លែងបំណងលួចទ្រព្យសម្បត្តិ កាលពីវេលាម៉ោង៨និង៣០នាទីយប់ ថ្ងៃទី២៤ ខែកក្កដា ឆ្នាំ២០២២ នៅចំណុចផ្ទះទុកចោលមួយកន្លែង ភូមិចំការស្បែង សង្កាត់សំរោងក្រោម ខណ្ឌពោធិ៍សែនជ័យ។
ជនសង្ស័យដែលឃាត់ខ្លួនឈ្មោះ ប្រស់ ពិសិដ្ឋ ភេទប្រុសអាយុ៤២ឆ្នាំ មុខរបរមិនពិតប្រាកដ ស្នាក់នៅភូមិជម្រៅ សង្កាត់គោករការ ខណ្ឌព្រែកព្នៅ។
តាមរបាយការណ៍សមត្ថកិច្ចបានឱ្យដឹងថា មុនពេលកេីតហេតុកម្លាំងនគរបាលបានទទួលទូរស័ព្ទពីប្រជាពលរដ្ឋល្អបានរាយការណ៍ថាមានជនសង្ស័យចូលផ្ទះប្រជាពលរដ្ឋមួយកន្លែងដែលម្ចាស់ទុកចោលបំណងលួចទ្រព្យសម្បត្តិភ្លាមនោះសមត្ថកិច្ចបានចុះទៅដល់កន្លែងកេីតហេតុភ្លាមក៏ឃេីញជនសង្ស័យម្នាក់ទេីបឃាត់ខ្លួនយកទៅសួរនាំតែម្តងចំណែកបក្ខពួកម្នាក់ទៀតគេចខ្លួនបាត់។
បច្ចុប្បន្នជនសង្ស័យត្រូវបានសមត្ថកិច្ចកសាងសំណុំរឿងបញ្ជូនទៅផ្នែកព្រហ្មទណ្ឌដេីម្បីចាត់ការតាមនីតិវិធី៕
ដោយ៖សុខាសែនជ័យ
