សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បច្ចុប្បន្ននេះ គេសង្កេតឃើញថា មានជនខិលខូចមួយចំនួនបានប្រេីប្រាស់និងបង្កើតគណនីតាមបណ្ដាញសង្គមនានា ដូចជាប្រព័ន្ធTelegram, Facebook យកឈ្មោះថ្នាក់ដឹកនាំជាន់ខ្ពស់នៅតាមអង្គភាព ស្ថាប័ន ក្រសួង ក្នុងគោលបំណងដើម្បីបោកបញ្ឆោតប្រជាពលរដ្ឋទូទៅ។
ជាក់ស្ដែងបេីតាមប្រភពព័ត៍មានពីអគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្រ្កាបការក្លែងបន្លំ «ក.ប.ប.» បានប្រកាសព័ត៌មានកាលពីថ្ងៃទី៣០ ខែសីហា ឆ្នាំ២០២២ម្សិលមិញនេះ សូមជូនដំណឹងដល់ សម្ដេច ទ្រង់ ឯកឧត្ដម លោកជំទាវ លោក លោកស្រី និងសាធារណជន ទាំងអស់មេត្តាជ្រាបថា ថ្មីៗនេះ មានជនមិនស្គាល់ អត្តសញ្ញាណបានយករូបថតរបស់ឯកឧត្ដម ផាន អូន ប្រតិភូរាជរដ្ឋាភិបាលកម្ពុជា ទទួលបន្ទុកជាអគ្គនាយក នៃអគ្គនាយកដ្ឋាន ក.ប.ប. ទៅបង្កើតគណនី ជាតេឡេក្រាម (Telegram) ក្នុងគោលបំណងមិនសុចរិត និងបានធ្វើការ ទំនាក់ទំនង (Chat) ទៅសាធារណជនមួយចំនួនដើម្បីបោកបញ្ឆោត តាមរូបភាពផ្សេងៗ។
ក្នុងន័យនេះ អគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្រ្កាបការក្លែងបន្លំ «ក.ប.ប.» សូមជូនដំណឹងដល់ សម្ដេច ទ្រង់ ឯកឧត្ដម លោកជំទាវ លោក លោកស្រី និងសាធារណជន ទាំងអស់មេត្តាជ្រាបជាព័ត៌មាន និងសូមបដិសេដទាំងស្រុងក្នុងករណីដែលមានឆបោក ឬប្រព្រឹត្តអំពើល្មើសក្នុងប្រការណាមួយ៕
ដោយ៖សហការី
