សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យម្នាក់ជិះម៉ូតូមួយគ្រឿងមកឈប់នៅជិតគោលដៅសមត្ថកិច្ចចរាចរណ៍នៃស្នងការដ្ឋាននគរបាលរាជធានីត្រង់ចំណុចភ្លើងស្តុបផ្លូវជាតិលេខ៤កែងមហាវិថីឈ្នះ=ឈ្នះ ស្ថិតក្នុងភូមិព្រៃស្វាយ សង្កាត់ចោមចៅទី៣ ខណ្ឌពោធិ៍សែនជ័យ រួចដកកាំភ្លេីងខ្លីបាញ់មេឃមួយគ្រាប់ហេីយជិះម៉ូតូគេចខ្លួនបាត់ដោយមិនដឹងមូលហេតុ បង្កការភ្ញាក់ផ្អេីលកាលពីវេលាម៉ោង១និង៣០នាទីរសៀលថ្ងៃទី២៧ ខែកញ្ញា ឆ្នាំ២០២២។
តាមសមត្ថកិច្ចនៅគោលដៅកន្លែងកេីតហេតុបានឱ្យដឹងថា មុនពេលកេីតហេតុគាត់បានឃេីញបុរសម្នាក់ស្លៀកពាក់ស៊ីវិល ជិះម៉ូតូម៉ាកADV ពណ៌ស មិនចាំស្លាកលេខមកឈប់នៅគោលដៅរបស់គាត់ដោយលេីកដៃសំពះ ហើយភ្លាមនោះក៏ដកកាំភ្លេីងខ្លីពីក្នុងកាបូបស្ពាយបាញ់មេឃមួយគ្រាប់រួចជិះម៉ូតូគេចខ្លួនបាត់ដោយមិនដឹងពីមូលហេតុ។ បន្ទាប់មកសមត្ថកិច្ចបានទាក់ទងទៅកម្លាំងគ្រប់បណ្តាគោលដៅចាំស្ទាក់នឹងត្រួតពិនិត្យជនសង្ស័យខាងលេីដេីម្បីយកមកដាក់ទោសតាមច្បាប់៕
ដោយ៖សុខាសែនជ័យ
