សារព័ត៌មាន នគរវត្ត តែងតែនាំមុខគេជានិច្ច
ខ្សែប្រយុទ្ធ Lionel Messi ត្រូវបានដកចេញពីការប្រកួតវគ្គជម្រុះChampions League របស់ក្រុម Paris St-Germain ជាមួយ Benfica នៅរាត្រីថ្ងៃអង្គារនេះ ដោយសាររបួសកំភួនជើង។
Messi វ័យ៣៥ឆ្នាំបានស៊ុតបញ្ចូលទីក្នុងការប្រកួតក្រៅទឹកដីជាមួយក្រុម Benfica របស់លីគកំពូលព័រទុយហ្គាល់កាលពីសប្តាហ៍មុន មុនពេលត្រូវបានដកចេញដោយសាររបួសនៅពេលនេះ។
ខ្សែប្រយុទ្ធអាហ្សង់ទីនរូបនេះក៏បានខកខានការប្រកួត Ligue 1 កាលពីថ្ងៃសៅរ៍ជាមួយនឹងក្រុម Reims ដែល PSG ខកខានក្នុងការរកគ្រាប់បាល់ក្នុងលីគជាលើកដំបូងនៅរដូវកាលនេះក្នុងលទ្ធផលស្មើគ្នា០-០។
ជាមួយគ្នានេះកីឡាករ Presnel Kimpembe, Nuno Mendes និង Renato Sanches ក៏នឹងត្រូវអវត្តមានក្នុងការប្រកួតសម្រាប់ក្រុមម្ចាស់ផ្ទះនៅកីឡដ្ឋាន Parc des Princes ផងដែរ។
បច្ចុប្បន្នក្រុម PSG ឈរកំពូលតារាងពូល H មាន៧ពិន្ទុស្មើពិន្ទុជាមួយBenfica ជាមួយ ខណៈ Juventus ឈរលេខ៣ មាន៣ពិន្ទុ។ ប្រវត្តិជួបគ្នារវាងក្រុម PSG នឹងក្រុម Benfica ៧លើកចុងក្រោយគឺ PSG ឈ្នះ២ដង, Benfica ឈ្នះ៣ដង និងស្មើ២ដង ៕
ដោយ៖ ភារៈ(រូបភាព ៖ BBC Sport)
